Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bizkaiko Foru Aldundiak Ekintzailearen Telefonoa prestatu du enpresa-ideiaren bat dutenei aholkuak emateko


2009-01-29 12:16

BILBO, 29 (EUROPA PRESS)

Bizkaiko Foru Aldundiak, Lan eta Trebakuntza Sailaren menpekoa den DEMA Enpresa Sorkuntza eta Garapenerako Agentziaren bitartez, telefono zenbaki bat (94 418 90 55) prestatu du negozio-ideia edo proiektu batekin enpresa sortu edo eratu nahi duten pertsona guztientzat. Horrela, deitzen duen pertsonaren neurrirako komunikazio, informazio eta aholku zerbitzu bat eskainiko da isilpean eta konfiantza osoz. Ekintzailearen Telefonoa izeneko kanpainak honelako ekimenak erabiltzera bultzatzea du helburu.

Batzuetan, bide zuzena ez da distantzia laburrena izaten. Enpresa-proiektu bat baduzu, DEMAren bide lasterra erabil ezazu, azaldu du Eusebio Larrazabal Lan eta Trebakuntzako diputatuak.

Izan ere, horixe da Bizkaiko Foru Aldundiaren Lan eta Trebakuntza Sailak honelako zerbitzuak herritarren eskura jartzeko egin duen apustua, batez ere, gaur egun bizi dugun krisialdi ekonomikoaren aurrean.

Proiektu-ekimen guztiak, handiak zein txikiak, aintzat hartu nahi ditugu, baldin eta autoenpleguaz gain enplegua sortzeko badira; eta, halaber, bitarteko erabilgarri guztiak haien eskura jarri nahi ditugu, orain nahiz etorkizunean lanpostuak sor ditzaketen ideiak, proiektuak edo negozioak alferrik galdu ez daitezen, gaineratu du Larrazabalek.

Proiektu bat abiarazi edo finkatu nahi duen pertsonak DEMAra deitzen duenean, gai horretan aditua den talde bat izango du berehala arreta ematen. Talde horrek ahalik eta arinen berrikusiko du enpresa-proiektua eta gero, aipatutako enpresa-ideia edo proiektua burutu ahal izateko Lan eta Trebakuntza Sailak eskaintzen dituen laguntzei, programei eta bestelako alderdiei buruzko informazioa eman eta bide horretan orientatuko du.


170 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin