Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bizkaiko Esku-hartze Sozialeko 2.500 langileak hitzarmenaren aldeko greba deitu dituzte bihar


2009-01-13 13:32

BILBO, 13 (EUROPA PRESS)

Esku-hartze Sozialeko sektoreko sindikatuek greba eta mobilizazio eguna deitu dute biharko, sektoreko Bizkaiko 2.500 langileek bizi duten egoera salatzeko asmoz eta hitzarmen kolektiboaren alde. Gainera, manifestazio bat egingo dute 11:00etan hasita eta Gizardatzen Bilboko egoitzatik abiatuta.

Sindikatuek gogorarazi dutenez, joan den irailetik, Bizkaiko Esku-hartze Sozialeko II. Hitzarmen Kolektiboaren Mahai Negoziatzailea apurtu zenetik, ez da inolako harreman formalik izan Gizardatzekin egoera konpondu al izateko. Ordutik, sektoreko langileek lau elkarretaratze eta manifestazioa bat egin dituzte urritik abendura bitartean.

Zentzu honetan, Gizardatzetik egoera hau konponduko duen inolako mugimendurik ez dela izan salatu nahi dute greba eta mobilizazio deialdiarekin LAB, CC.OO., ELA eta ESK sindikatuek.

Eta Administrazioetatik gor-mutuarena egin dute, beraiek direlako, esleitzen dituzten Zerbitzu eta Programetan ezartzen dituzten baldintzekin, sektore honetako langileek merezi duten aintzatespena izatea eragozten dutenak, salatu dute.

Zentzu honetan, sektoreko langileen soldatak Administrazioan kobratzen dutenarekiko %40-60 txikiagoak direla jakinarazi dute, lanaldiak askoz ere handiagoak diren bitartean.

Sindikatuek adierazi dute langileak gero eta babes handiagoa ematen ari direla grebari, eta oraingoz, Bizitegi, Ortzadar, Caritas, Suspergintza, Etorkintza, Rais eta Gizakia Fundazioko langileen bebesa jaso dute. Zehazkiago, Ezkerraldeko kultur zentroetako edota Loiukoa bezalako adingabeen zentroko jarduera gelditzea aurreikusi dute.

Biharko grebaz gain, hilaren 28rako beste lanuzte bat deitu dute. Sindikatuek adierazi dute grebak oso neurtuak eta pentsatuak direla langileen aldetik, beren lanak duen sentikortasunaren eta erantzukizunaren jakitun direlako.

Halaber, jarrera preaktibo batekin patronalak egoera desblokeatzeko eskatu du. Ezin dira zerbitzu publikoak ia doan egiteko erakunde hauek subkontratatzen dituzten Administrazio publikoen zekenkeriaren kudeatzaileak izan, azpimarratu dute.


344 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin