BILBO, 19 (EUROPA PRESS)
Aurten ere Bilboko Merkataritza Ganberak Bizkaiko Erakusleihoen Lehiaketako saltoki irabazleak saritu nahi ditu, lehiaketaren 25. edizioan. Hori dela eta, ekitaldi sozial bat antolatu du biharko, 20:30etan hasita, Bilboko Euskalduna Jauregian.
Bizkaiko merkataritzaren ekitaldi honetan 64 sari banatuko dira: Merkataritza Ganberak, BBK-k eta El Correok eskainitako hiru sari handi; Sormenari Saria, Eusko Jaurlaritzaren Industria, Merkataritza eta Turismo Sailak emandakoa; Bizkaiko Foru Aldundiaren Berrikuntza eta Ekonomia Sustapen Sailaren Berrikuntzari Saria; 33 udal laguntzaileek emandako 40 sari eta merkataritzako 14 sari sektorialak.
Era berean, Sari Bereziak emango dira: Iberdrola Saria Argiztapen Onenari; Ostalaritzako Cafes Baque Saria ; sari berezia Ehun Urtetik Gorako Saltokiari; Web-orrien Diseinurik Onenari saria, Telefonicak emandakoa; eta El Corte Ingles Merkataritza-Konpozizioari Saria eta, Merkataritza Elkartearen urteurrena dela eta Bilbo Zaharraren saria.
