Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bizkaiko Diputazioak mendekotasunen edo ezintasunen bat duten 18.300 laguni eman zien zerbitzu 2008. urtean


2009-02-10 13:51

BILBO, 10 (EUROPA PRESS)

Bizkaiko Foru Aldundiko Gizarte Ekintza Sailak mendekotasunen edo ezintasunen bat duten 18.366 pertsonari eman zien zerbitzu 2008. urtean, besteak beste, egoitza, zerbitzu sozio-sanitarioak, eguneko zentroa, telelaguntza edo tutoretza. Kopuru horri beste 3.874 pertsona gehitu behar zaizkio, lagun horiek diru-laguntzak jaso baitzituzten familia barruko zaintzetarako. Guztira, beraz, 2008an 5.000 pertsona gehiagori eman zaie zerbitzua.

Foru erakundetik azaldu dutenez, Mendekotasunari buruzko Legearen aplikazioan, 14.000 pertsonak balorazioa eskatu zioten Bizkaiko Foru Aldundiari zerbitzuren bat jasotzeko. Balorazioa eskatu zuten pertsona horietako gehienek diru-laguntza eskatu zuten familia barruko zaintzetarako.

2008ko abenduaren 31n, guztira, adinekoentzat 140 egoitza zeuden Bizkaian, eta horietan 9.111 leku zeuden. Bada, leku horietatik guztietatik 4.971 publikoak, hitzartuak edo itunduak ziren edo Aldundiaren banakako laguntza jasotzen zutenak, hau da, aurreko urtean baino 455 plaza gehiago.

Egun, etxebizitza komunitarioak eta adinekoentzako tutoretzapeko apartamentuak ere kontuan hartuz gero, estaldura-indizea, 65 urtetik gorako biztanleei dagokienez, %4,68 da; nolanahi ere, gizarteak etorkizunean izango dituen beharrizanei aurre egiteko egokitzat jotzen dena %5 da. Ezintasunen bat duten pertsonei dagokienez, Bizkaiko Foru Aldundiak iragan urtean 3.393 pertsona hartu zituen egoitzetan, eguneko zentroetan eta zereginetako zentroetan.

2008. urtean, Bizkaiko Foru Aldundiaren azpiegitura-planean, egoitza eta eguneko zentroen sare publikoan 296 plaza berri gehitu ziren. Zamudion, adinekoentzako egoitza bat zabaldu zen, eguneko zentroa duena; Galdamesen, buruko gaixotasun kronikoa duten pertsonentzako egoitza bat; Mungian, ezintasunen bat duten pertsonentzako eguneko zentro bat; Markinan, adimen-urritasuna duten pertsonentzako eguneko zentro bat; Gernikan, kalte zerebrala eta beste ezintasun fisiko batzuk dituzten pertsonentzako eguneko zentro bat; eta Barakaldon, adimen-urritasuna duten pertsonentzako egoitza bat.


526 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin