Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bizkaiko Diputazioak eta BAI berrikuntza agentziak bideoan bildu dituzte lurraldeko enpresa berritzaileen esperientziak


2009-02-04 14:42

BILBO, 4 (EUROPA PRESS)

Bizkaiko Foru Aldundiak, Berrikuntza eta Ekonomiaren Sustapenerako Sailaren menpe dagoen BAI berrikuntza agentziaren bidez, hainbat bideo argitaratzeko ekimenari ekin dio. Bideo horietan beren ekoizpen-prozesuetan berrikuntza proiektuak garatzen ari diren lurraldeko enpresa txiki eta ertainen iritziak bildu dira.

Bizkaiko Enpresa Berritzaileak izeneko BAI agentziaren ekimen honen xedea produktu, prozesu, antolaketa edo merkatuetan berritzen ari diren enpresen izaera eta esperientzia zabaltzea da, beste erakunde batzuentzat erreferentzia eta eredu izan daitezen, foru erakundeko iturriek azaldu dutenez.

BAI berrikuntza agentziak dituen komunikazio-bideen bitartez, komunikazio eta lankidetza sare bat sortu nahi da, enpresa bizkaitarren lehiakortasuna handitzeko berrikuntzaren erronkari heltzeak duen garrantziaren inguruko sentsibilizazioa areagotzeko.

Sorta honen hasierako bideoetan hiru dira enpresa protagonistak: Agotek, Industrias Imar eta Socialware. Aurten beste sei enpresen informazioa bildu eta filmatu nahi da. Lehenengo ekintza enpresak bere burua ezagutzera emateko duen interesa identifikatzea da eta, filmatzeari ekin aurretik, bere proiektuaren izpiritu berritzailearen egokitasuna aztertzen da. Bideo bakoitzak lau minutuko iraupena du eta enpresaren egoitzan grabatzen da.


249 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin