Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bizkaiko Diputazioak 800.000 euro inbertitu ditu goi mailako prestakuntza duten 21 lagun erakarri eta berton geratzeko


2009-02-13 14:01

BILBO, 13 (EUROPA PRESS)

Bizkaiko Foru Aldundiko Lan eta Trebakuntza Sailaren menpeko Bizkaia:xede elkarteak 2008an antolatu zuen diru-laguntzen laugarren edizioan 21 pertsona atera ziren onuradun, aurkeztutako 114 hautagaietatik. Kopuru horretatik, dozena bat bizkaitarrak dira, eta gainontzekoak, hainbat herrialdetakoak, hala nola Suedia, Erresuma Batua, Alemania, Suitza, AEB, India, Italia eta Espainiakoak.

Ediziora hautagai asko aurkeztu zirenez -2007an baino %34 gehiago-, Bizkaiko Foru Aldundiak programarako 809.130 euroko diru-zuzkidura jartzea erabaki zuen. Ekimen honen bidez, adimendunek alde ez egitea, talentu berriak fitxatzea eta joan zirenak itzultzea lortu nahi da.

Foru erakundeko arduradunek azaldu dutenez, ekimena Bizkaian dauden enpresa, zentro teknologiko, ikerketa talde, unibertsitate, elkarte eta fundazioentzat da, eta helburua Bizkaiko ikertzaileen eta enpresen egoera hobetzea da.

Talentuak erakartzeaz gain, lehentasunezkoa eta funtsezkoa da profesional eta ikertzailerik onenak Bizkaian geratzea. Nabarmentzekoa da Bizkaiko Foru Aldundiak 2,5 milioi euro baino gehiago inbertitu dituela orain arte antolatu diren lau deialdietan. Laguntzen onuradunak 54 izan dira: lehenengo deialdian sei, bigarrenean zortzi, hirugarrenean 19, eta azken deialdian, 21, kanpoko hautaketa-prozesu baten ostean, adierazi du Bizkaiko Lan eta Trebakuntza Saileko diputatua den Eusebio Larrazabalek.


211 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin