Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bizkaian sortu berri diren enpresa berritzaileek, krisia egonda ere, beren enpresa-osasuna hobetu daitekeela diote


2009-02-05 12:52

BILBO, 5 (EUROPA PRESS)

Bizkaiko enpresa berritzaile sortu berriek beren enpresa-osasuna krisia egonagatik hobetu daitekeela adierazi dute, 2007an zegoenarekin alderatuz egungo egoera ekonomikoaren inguruan duten ustea okerragoa edo askoz okerragoa bada ere.

Datu horiek 2008ko azken bi hilabeteetan Bizkaiko Enpresa eta Aurrerapen Zentroak (BEAZ) -Bizkaiko Foru Aldundiaren Berrikuntza eta Ekonomia Sustapen Sailaren menpe dagoen sozietateak- egindako inkestan bildurik agertzen diren datuetako batzuk dira, foru erakundetik adierazi dutenez.

BEAZak, Gizaker Inkestak enpresak eginiko telefono bidezko inkestaren bitartez, Bizkaian 2006 eta 2007 artean sortu diren 82 enpresa berritzaileri egin zien inkesta. Enpresa horien %53,7 bere negozioa handitzeko oraingoa une ona delakoan dago; %67,1ek hurrengo sei hilabeteetan berrinbertituko duela uste du; %31,70ek, aldiz, uste du seguruenik ez duela egingo.

Inkestaturiko enpresen %70,7k dagozkien sektoreak krisiarengatik kaltetuak izango direla uste du, eta datozen hiru hilabeteetan inkestaturikoen %67,1arentzat euskal ekonomia okerrera joango da. Hala ere, beren negozioaren osasunak etorkizunean hoberantz egingo duela uste dute, eta, enpresen osasun onena 10 izanik, beren negozioaren egungo osasunari 5,78ko nota jartzen diote; etorkizunean, aldiz, nota hori 6,9koa izatea espero dute.

Egungo egoera ekonomikoari buruz duten iritziari dagokionez, duela urtebete zegoenarekin alderatuz, ia %88ren ustetan, okerrerantz edo oso okerrerantz egin du. Aurrekoa horrela bada ere, eta beren negozioen egoera ekonomikoaz galdetzean, %47,6rentzat krisia egonagatik egonkor mantendu da; 25,7k egoera izugarri edo zertxobait aldatu dela uste du.

Halaber, inkestatuen %45,1ek azken hiruhilekoan onurak lortu ditu (sortu berri diren enpresak izan arren), eta ia %37k ez ditu izan baina datorren hiruhilekorako igurikimenak positiboak dira, ia %55ek izango dituela adierazi baitu.

Azkenik, eta beren finantza-aukerei buruz galdetzean, %64k baieztatu du une honetan ez duela zailtasunik. Portzentaje altua da, sortu berri diren enpresez ari garela kontuan hartuz gero; horien arazo nagusia aldi horietan hain zuzen hori izaten baita. Inkestatuen %52,4k adierazi du krisiari aurre egiteko likidezia nahiko duela. Ratio adierazgarria da, aipatu den legez, sortu berri diren enpresak baldin badira.

IRAIZPEN GUTXI

Beren sozietateetako enplegua mantentzeari dagokionez, %9,8k soilik dauka langileren bat kaleratzeko asmoa, hurrengo sei hilabeteetan krisiagatik ekoizpen baxua izango baita, eta enpresa horietako enpresarien %47,6k epe horretan bertan plantila handitzeko asmoa dutela adierazi du.

BEAZak lorturiko datuei buruz egindako balorazioa positiboa da, enpresa horien gehiengoak jarraipena bermatuta duela baitirudi eta lan-kontratazioaren eta enpresek lortzeko onuren ratioak mantendu baitira.

Hala ere, BEAZeko zuzendari-gerente Raul Onaindiak datu horiek zuhurtziaz baloratu ditu, kontuan izanik enpresa sortu berria arautzen duten parametroak ez direla dagoeneko sendoturiko eta finkaturiko batenak bezalakoak.

Beren sozietateen historian aurrekari negatiborik ez duenez, enpresari gazteak egungo egoera enpresaren hasierako aldiarekin alderatzeko joera du. Hori dela eta, beren enpresen bizi zikloak ibilbide propioa du, asentaturiko beste enpresek baino igurikimen hobeekin. Azken horiek krisiak eragindako atzerapenak dituztela dirudi, azaldu du.


171 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin