Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Udaleko Osasun eta Kontsumo Sailak egoitza berria estreinatu du Harino Panadera lantegi zaharrean


2009-02-03 13:35

BILBO, 3 (EUROPA PRESS)

Bilboko Irala auzoak historia berreskuratu du, Harino Panadera irin-lantegi zaharra inauguratu baita, eta orain, Bilboko Udaleko Osasun eta Kontsumo Sailaren egoitza berria izango da.

Eraikin monumentalak bere ateak irekiko ditu berriro -itxita egon da XX. mendearen amaieratik-, berritzeko lanak amaitu ondoren. Lanak egiteko bi urte behar izan dira, eta 5.930.000 euro kostatu dira. Modu horretan, Udalak berretsi du hiriko ondarea kontserbatzeko eta ondare horri balioa emateko duen konpromisoa, herritarren eskaera garrantzitsuari erantzuna ematen dion bitartean.

Eraikin zaharra birgaitzeaz gain, Bilboko Udalak higiezin berria eraiki du lantegiari atxikita. Era horretan, eraikitako azalerak guztira 3.919 metro karratu izango ditu, eta azalera horretan sartuko dira Osasun eta Kontsumo Sailaren zerbitzu ezberdinetan lan egiten duten 115 pertsona; hala nola, Kontsumitzailearen Informazio Bulegoa (KIUB), Komunitateko Osasuna, Elikagaien Ikuskaritza eta Zoonosi Sekzioa, Merkatuak, Drogazaletasuna eta udal-laborategia.

Harino Panadera lantegiarekin Irala auzoa eraikitzen hasi ziren Bilbon. XX. mende osoan funtzionatu zuen, eta mende horren amaieran ateak itxi zituen. Fabrikazioko instalazioaren zati ziren instalazio guztietatik, soilik zutik geratzen da irina lortzeko alea ehoztekoa, lantegiko zaharrena dena, 1902. urtean eraiki baitzen, hormigoi armatuan, hau da, gauza guztiz berria garai hartan.

1912. urtean handitu egin zuten garbitzeko eta egokitzeko atala jartzeko. Bigarren aldaketa, berriz, 1940ko eta 1960ko hamarkaden artean egin zen, eta 120.000 kg/24 orduko produkzio-ahalmena izatera iritsi zen.

Euskal Kultur Ondarearen Zerrenda Nagusian sartuta dago, Monumentu kategoriarekin (2005. urtean), ingurune, eraikin eta barruan dituen instalazio mekanikoei esker. Balio handiko eraikina denez, birgaitzeko irin-lantegiko dokumentazio osoa hautatu eta katalogatu da. Era berean, lehendik zeuden makinak berreskuratzeko, berrikuspen zehatza egiteaz gain, kaltetutako piezak garbitu eta berritu dira.


222 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin