Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Udalaren Kirol eta Gazteria Sailaren bere lehen Oroit-Idazkia aurkeztu du gaur Bengoetxea zinegotziak


2006-09-13 17:08

Sailean lan egiten dutenentzat lanabes erabilgarri eta fidagarria izateko asmoz

BILBO, 13 (EUROPA PRESS)

Bilboko Udalaren Hezkuntza, Gazteria eta Kirol Sailak bere lehen Oroit-Idazkia aurkeztu du gaur saileko zinegotziak, Jon Aritz Bengoetxeak, sailean lan egiten dutenentzat lanabes erabilgarri eta fidagarria izateko asmoz, udal bilbotarreko iturrien arabera.

Agiria, iaz egindako jarduera guztiak biltzeaz gain, sailean lan egiten duten guztientzat lanabes erabilgarri eta fidagarria izateko asmoz sortua da. 2005.a programak ikustatu eta ebaluatzeko urtea izan zen, aurten jarduera horiek hobetzeko behar ziren neurriak abiarazi ahal izateko, azaldu du arduradunak.

Hezkuntzako jarduerak ikastetxe publikoen mantenimendutik harantzago hedatzen dira, gizarte eta hezkuntza arloko laguntza-programak ere garatzen dituelarik, hala nola, Deseskolarizazioa eta absentismoa desagertarazteko programa, 2005.ean 92 pertsona arrakastaz berbideratzea erraztu duena, edota Ikasleentzako gizarte eta hezkuntza arloko laguntza-tailerrak, 1.143 ikasle bildu zituena.

Bilbao Aktiba!-k jarduerak bildu eta gazteak inplikarazten ditu

Gazteentzat antolatu diren programen helburua, Bilbon bizi diren 18 eta 30 urte tarteko 40.000 gazteak era aktibo batean inplikaraztea da. Xede horrexeri begira garatu da Bilbao Aktiba!, Bilboko II. Gazte Plana. Prozesua 2002an hasi zen, saileko programa guztiak bateratu eta Bilboko gazte guztiak sailetik haientzat egiten diren jardueretan inplikatu eta parte hartzera bultzatzeko asmoz.

2005.ean antolatu diren beste jarduera aipagarri batzuk Bilboko Uria Pop Rock lehiaketa, 17. edizioan 1.603 bandaren partaidetza lortu duena; Jolastu Parkean eta Udalekuak bezalako aisialdi hezitzailerako jarduerak, 17.000 eta 1.000 haur bildu dituztenak, hurrenez hurren; edota Bilbao.Gaua aisialdi alternatiborako programa, 2005. urtean 32.500 gazte erakarri zituena, gazteen neurriko jarduerak eskaintzen dituen programarik arrakastatsuena bilakatu delarik.

KIROLA ETA BILBOROCK

Sailak ahalegin berezia egin du Bilbao Kirolak sustatu eta gaztetatik kirola ohitura bihurtzeko helburua duten programa propioak garatzeko. Horretarako, urte osoan denetariko jarduerak egin dira domeketan eta udako sasoian, baita Kirol Kampusa eta Bilbao Cup programak ere, 900 plaza baino gehiago eskaini direlarik. Horrez gain, zortzi barrutietako haize zabaleko kirol guneen dinamizazioa aipatu behar da, 6.500 gazte baino gehiagoren partaidetza tarteko.

BilboRock La Merced zentroa 1997an zabaldu zenetik, sailak daukan gunerik eraginkorrenetakoa bihurtu da, bertan antolatzen den ekitaldi pilo ederrak frogatzen duenez. Iaz, 315 ekitaldi egin ziren, 25.000 lagun erakarri zituzten 93 kontzertu, 29.000 ikusleren interesa piztu zuten 148 antzezlan eta arestian aipatu den Bilboko Uria Pop Rock lehiaketa.

Bilbao Gazte Sarea da Zabalgune Eraikinean 2005eko otsailean estreinatu zen gazteentzako informazio guneari eman zaion izena. Hilabete horretan hasi eta urtea amaitu arte, 10.000 kontsulta inguru zenbatu ziren, gehienak Prestakuntza eta Lanari lotutakoak.

Egunez egun, bost profesionalek lanean dihardute Zabalgunean gazteen kezkei erantzuteko asmoz. Bertan badira, halaber, hemeroteka eta liburutegi zerbitzuak eta barneko eta kanpoko informazio guneak, eta europar programetarako izapideak eta Bilboko gazte sarearen koordinazioa egiten dira, besteak beste.

Laburbilduz, oroit-idazki honen helburua ez da soilik jarduera eta datu bilduma bat izatea, baizik eta Bilboren alde lan egiten duten pertsona guztientzako lanabesa. Informazio gehiagp www.bilbao.net helbidean.


276 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin