Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Udalak Santutxu auzoko irisgarritasuna hobetu du azken berritze lanekin, 2,15 milioi euro inbertitu ondoren


2009-02-06 16:46

BILBO, 6 (EUROPA PRESS)

Santutxu auzo bilbotarrak itxura berria dauka Bilboko Udalak egindako azken hobekuntza lanei esker. Izan ere, Obra eta Zerbitzuen Sailak bukatu ditu auzoko irisgarritasuna eta segurtasuna hobetzeko lanak, Karmelo kalea berrituta. Inbertsio osoa 2.150.000 euro ingurukoa izan da.

Orain, auzoko bizilagunek Santutxu kalean espaloi zabalagoak dauzkate, obra horretan oinezkoak eroso ibiltzeari eman baitzaio garrantzia. Gainera, Udalak saneamendu, hornidura eta argiteria publikoa modernizatu ditu eta, alde horretatik, argi gehiago dago, segurtasuna areagotzeko. Halaber, lorategi osagai berriak ere jarri dira.

Bestalde, Santutxu eta Sagarminaga kaleen artean dagoen plazan ere egin dira aldaketak: argi gehiago dago, zola berritu da eta, gainera, altzari berriak jarri dira, bizilagunak erosoago egon daitezen.

Orobat, Indalecio Prieto biribilgunea ere itxuraldatu da: zuhaitz eta zuhaixka espezie berriak jarri dira, lekua apaintzeko, baita ureztatze sistema automatiko bat ere. Hiru jarduera horietan, guztira 1,2 milioi euro inbertitu dira.

Santutxu auzoko obrak Esteban Pernet kalea goitik behera aldatuz eta irisgarritasuna hobetuz osatu dira. Kale horretan espaloiak zabaldu dira, aparkaleku bat ere kendu gabe; izan ere, eremu horretan jende askok uzten du automobila.

Horrez gain, Bilboko Udaleko Obra eta Zerbitzuen Sailak kaleko saneamendu eta argiteria publikoko sareak modernizatu ditu, argi gehiago jarriz eta altzariak berrituz. Inbertsioa 950.000 euro baino gehixeagokoa izan da.


162 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin