Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Udalak San Frantzisko auzoko historiari buruzko liburu bat argitaratu du


2006-11-13 12:54

BILBO, 13 (EUROPA PRESS)

Surbisa Bilboko Udalaren hirigintza-arloko sozietateak La otra orilla liburua argitaratu du. San Frantzisko auzoaren sorrerari buruzko ikerlana da eta, horrrela, Surbisak duen jarduera-arlorik garrantzitsuenetako batean kokatzen da. Liburua irakurrita, hirigintza zein maila sozialean egun diren zirkunstantzia asko hobeto uler daitezke. Era berean, hiria eratzean hain garrantzitsua izan zen Bilboko txoko hori behar bezala baloratzen laguntzen du liburuak.

La otra orilla liburuak lehenengo aldiz ekin dio San Frantzisko auzoaren bilakaera bereziki ikertzeari. Auzoa Balmasedarako bidearen alde bietan sortu zen. Hasierako Balmasedarako bide hura San Frantzisko kalea izango zen zenbait urteren buruan, eta hiriaren hazkundeari eta zabaltzeari buruzko ikerlanetan ez zaiola orain arte eman merezi duen garrantzia, Bilboko Udaleko iturriek gaur adierazi dutenez.

San Frantzisko Bilboko hazkunde demografikoan garrantzirik handiena izan zuen auzoa izan zen, Bilboko zabalguneak ezin izan baitzion erantzun garai bateko etxebizitza-beharrari. Horrela, ikerlanak auzo horren bilakaera aztertzen du, 1870eko anexiotik 1900. urte inguruan erabat urbanizatuta geratu arte.

Liburua oso interesgarria izan daiteke San Frantzisko auzoarekin eta berau eraberritzearekin konprometituriko erakunde publiko zein pribatuentzat. Ale bat jaso gura duten ikertzaileek, hirigileek nahiz arkitektoek Surbisari eska diezaiokete telefonoz zein posta elektronikoz.

AUTOREA

Jose Ignacio Salazar Arechalde izan da liburuaren egilea. Zuzenbidean lizentziatua da eta arlo juridiko-ekonomikoan diplomatua, Deustuko Unibertsitatean ikasketak (1973-1978) eginda. Idazkari nagusi jardun da Urduñako Udalean (1981-1989), Galdakaoko Udalean (1989-1997) eta 1997tik aurrera Santurtzikoan.

Salazarrek, besteak beste, erakunde juridikoen arloan zenbait ikerlan historiko burutu ditu. Horrela bada, liburu eta artikulu hauek argitaratu ditu: La Comunidad de Aldeas de Orduña, La junta de Ruzabal, El Concejo Abierto en la Ciudad de Orduña, Gobierno Local en el Bilbao Bajomedieval eta Jose Antonio Armonaren Apuntaciones Historicas de la Ciudad de Orduña lanaren edizio kritikoa.

Autorea hirigintzaren arloan ere ikerlari aritu da; Urbanismo e Historia, La Ciudad de Orduña monografia argitaratu du eta baita La gestion del Concejo de Bilbao, en el ambito del urbanismo a fines de la Baja Edad Media eta La formacion del Barrio de San Francisco liburuak ere. Gaur egun hasitako ildo horietatik jarraitzen du lanean.


383 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin