Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Udalak on-line zerbitzuak jasoko dituen katalogoa sustatu du


2009-01-21 12:44

BILBO, 21 (EUROPA PRESS)

Bilboko Udaleko Giza Baliabide, Kalitate eta Balioztatzeen Sailak komunikazio erreminta berri bat sustatu du: on-line zerbitzuen katalogoa. Katalogo berri honi esker, herritarrek Udalak eskaintzen dituen zerbitzu guztietara zuzenean eta erraz sartzeko aukera izango dute Udalaren webgunearen bitartez. Izan ere, zerbitzu berriak www.bilbao.net webgunetik egin daitezkeen izapideak errazten ditu.

Udal bilbotarraren xedea da herritarrek informazioa modu homogeneoan eskuratu ahal izatea komunikazio erreminta berriaren bitartez. Horrela, zerbitzu guztiek egitura berbera izango dute eta herritarrak gehien interesatzen zaion informazioa zuzenean eskuratzeko aukera izango du.

Zerbitzu katalogoak bilaketa erraztuko du informazioa eskatzaileari egokituz. Erabiltzaileak bi motatako bilaketak egin ahal izango ditu: bere profilaren araberakoa edota bizi-egoeraren araberakoa.

Profilen kasuan, eskatzailea baldintzatzen duten ezaugarri nagusiak kontuan hartuko dira, hala nola, haurtzaroa, lanbabezia edo familia. Bestetik, bizi-egoeraren, hots, norberaren egoera pertsonalaren araberako bilaketak ere egin ahal izango dira.

Horrela, on-line zerbitzuen katalogoaren xedea komunikazioa hobetzea izango da, herritarren eta administrazioaren arteko harremana sustatuz. Era berean, katalogoa baliabide ezin hobea izango da Udalak eskaintzen dituen zerbitzuak erabiltzaileei aurkezteko. Izan ere, erreminta berri horrek eskaintzen diren zerbitzu guztiak behar bezala ezagutzen baititu.

Informazioa Bilboko Udalaren webgunearen bitartez eskuratu ahal izango da: www.bilbao.net Udal Zerbitzuak estekan klik egin ondoren, erabiltzailea profilen (Udalak profil hori duten taldeei eskaintzen dizkien berariazko zerbitzuak) eta bizi-egoera ezberdinen (Bilboko Udalak eskatzailearen egoera pertsonalaren arabera eskaintzen dituen zerbitzu guztiak) zerrenda jasoko duen menuan sartuko da. Horrez gain, Udalaren sail bakoitzari dagokion zerbitzu katalogoa ere aurkituko ahal izango da.


263 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin