Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Udalak Naturgasi esleitu dio Concha Jenerala kaleko 20 zenbakiko eraikina, 6,5 milioi euroren truke


2009-01-12 13:01

BILBO, 12 (EUROPA PRESS)

Bilboko Udalak Naturgas Energia konpainiari esleitu dio Concha Jenerala kaleko 20 zenbakiko eraikina, eta 6,5 milioi euro jaso ditu eragiketaren bidez. Helburu bikoitza betetzea lortu du Udalak, hau da, Bilbon izatea Naturgas Energiaren egoitza korporatiboa eta higiezina hiriarentzat berreskuratzea.

Naturgas Energiaren bulego berriak 2003ko abenduan eskuratu zituen Bilboko Udalak, Eusko Jaurlaritzarekin sinatutako ondare-trukaketaren bidez. Trukaketan Concha Jenerala kaleko 20 zenbakiko eraikina eta 22 zenbakiko sotoko bi solairuak sartu ziren.

Lehenik eta behin, kontuan izanik besterentzeko finkaren ezaugarriak, kokapena eta kontserbazio-egoera, Bilboko Udal Gobernuak hasieran 6,5 milioi euroko prezioa jarri zuen azaroan higiezinaren enkante publikorako.

Joan den abenduaren 24an proposamenak aurkezteko epea amaitu eta gero, Bilboko Udaleko Gobernu Batzordeak onartu zuen Concha Jenerala kaleko 20 zenbakiko eraikinaren enkante publikoa Naturgas Energiari esleitzea. Azkenik, abenduaren 30ean, salerosketako eskritura publikoa egin eta Naturgas Energia eraikinaren jabe bihurtu zen, Bilboko Udalari 6.501.000 euro ordaindu ondoren.

Concha Jenerala kaleko 20 zenbakiko higiezina 545,25 metro koadroko orubean eraikita dago, eta sotoko bi solairu, behe solairua, goiko sei solairu eta zazpigarren solairuko dorretxoa ditu. Guztira eraikitako azalera 3.560 metro koadrokoa da.

Kaleko 22 zenbakiko sotoari dagokionez, bi solairu ditu, eta bakoitza 400 metro koadrokoa da. Sotoko bi solairu horiek Concha Jenerala kaleko 20 zenbakiko sotoekin lotuta daude fisikoki; beraz, praktikan, sotoko solairu bakoitzak guztira 923 metro koadroko azalera du.

Eraikina 1925. urtean eraiki zuten, eta, hasieran, sotoak, beheko solairua eta lehen solairua zituen. Gainerako solairuak, bigarrenetik zazpigarrenera bitartekoak, 1940 eta 1950 artean eraiki zituzten. Urte askotan zentro farmazeutikoa izan da eta laugarren eta bosgarren solairuak Musika Kontserbatorioaren egoitza izan ziren, harik eta Ibarrekolandara aldatu arte.

Naturgas Energiak azaldu du higiezina guztiz birmoldatzeko asmoa duela, fatxada aldatu gabe, Zabalguneko arkitekturaren erakusgarria baita. Obra egiteko inbertsio handia egin behar da, eta konpainiak ahalik eta azkarren hasteko asmoa du. Naturgas 2010. urtean zehar aldatuko da behin betiko Concha Jenerala kaleko 20 zenbakiko egoitza korporatibo berrira, eta bertan 175 pertsona inguruk egingo dute lan.


285 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin