Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Udalak Mazarredoko gau aterpetxea negurako ireki du etxerik gabeko pertsonentzat


2006-12-05 12:08

BILBO, 5 (EUROPA PRESS)

Bilboko Udaleko Gizarte Jarduera Sailak, hirugarren urtez jarraian, Hotza Araua izenekoa jarri du abian, hots, etxerik gabeko pertsonei neguan ostatu emateko dispositibo bat. Negurako gau aterpetxea Mazarredo kaleko 22 zenbakian kokatuta dago eta horretarako zabalik izango da abendua eta apirilaren artean. Bertan, 50 lagunentzako tokia egongo da, eta hotzeteagatik alerta izanez gero, 100 laguntzeko tokia egingo da.

Guztira, 399 lagunek erabili zuten zerbitzu hau iazko kanpainan. Horietatik, 361 gizonezkoak ziren (%90,47), eta 38, berriz, emakumezkoak (%9,52). Bietan, ia guztiak adimen gaixoak eta toxikomanoak ziren, Bilboko Udaletik azaldu dutenez.

Bizitegi irabazi asmorik gabeko erakundea programa gestionatzeaz arduratuko da. Erakundeak hotzaren inpaktua murriztu nahi du pertsonen osasunean. Horrez gain, gizarte profesionalen eta hezitzaileen kontaktua eskaini nahi die, existitzen diren baliabideei buruzko informazioa eta aholkularitza eskura jartzeko, gizarte txertatzeko prozesu berriak sustatzeko helburuarekin.

Iazko neguan garatutako esperientziak oso harrera ona izan zuenez, eta erabiltzaileek eta gizarte-osasun esparruko profesionalek eta bizilagunen erkidegoak oso modu positiboan baloratu zutenez, Gizarte Jarduera Sailak proiektua errepikatuko du.

50 ohe-ohatzez eta lo egiteko toki batez gain, zentroak garbitasun eta segurtasun neurriak ditu erabiltzaileen eta bere animalien ongizaterako. Gizarte-osasun eta egoitza baliabideei buruzko informazioa, hezkuntza esku-hartzeak, larrialdiko arropategi bat, kontsigna bat eta botikin bat dira zentroa osatzen duten zerbitzuak.

Aterpetxea gaueko 21,00etatik hurrengo eguneko 9,00ak arte egongo da irekita. Erabiltzaileek eskura izango dituzte lau gizarte-hezitzaileen talde bat, bi zinpeko jagole eta kaleko hezitzaileen talde bat, harrera eta irteera orduetan.

HARTZAILEAK

Proiektua orokorrean etxerik gabeko pertsona guztiei zuzendu arren, sartzen diren baino pertsona gehiagok zerbitzua eskatuko dutela aurreikusi denez, Gizarte Jarduera Sailak hautaketa irizpide batzuk ezarri ditu.

Horrela, kalean bizi diren eta Bilboko larrialdiko ostatu sare iraunkorra erabili ezin dutenek (bai lekurik ez dagoelako edo bai beste lokalen baldintzak betetzen ez dituztelako), eguneko zerbitzuen arreta jasotzen baldin badute, lehentasuna izango dute programa honetan.

Gizarte Jarduera Sailak duen datu basea abiapuntutzat erabiliko da hautaketa hau burutzeko. Horrez gain, saiatuko da erabiltzaile horiek zentroan jarraitzen eta finkatzen.

Era berean, nahiz eta ohiko sarrera ordutegia gaueko 21,00etatik 23,00etara izan, ohikotzat jo izandako erabiltzaileen plaza 21,30ak arte erreserbatuko da. Une horretatik aurrera, sartuko dira iristen diren hurrenkeraren arabera.


237 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin