Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Udalak Kultura 18 txartela lortzeko 600 bat eskaera jaso ditu sortu denetik hilabete igaro denean


2009-01-15 11:56

BILBO, 15 (EUROPA PRESS)

Bere sorreratik hilabete ere igaro ez denean, dagoeneko 600 eskaera inguru jaso ditu Bilboko Udalak Kultura 18 txartela eskuratzeko. 2009an zehar 18 urte betetzen dutenentzat -2.500 inguru- zuzendurik dagoen txartela da eta musika, zinema, dantza edo antzerki ikuskizunetara doan sartzeko aukera emango du.

Ekimenak izan duen harrera ona ikusita, Bilboko Udaleko Kultura eta Hezkuntza Sailak 180 gazte elkarte, ikastetxe eta udal zerbitzuetara -gazte zerbitzuak, barrutietako udaltegiak, kiroldegiak, liburutegiak- zabaldu du txartelaren kanpainako informazioa.

Txartelak Bilbon erroldatutako gazteentzako urtean zehar izango diren 18 ikuskizun kulturaletarako doako sarrera eskaintzen du, eta txartelaren jabe denari beste lagun bat eramateko %50eko deskontua eskaintzen dio, beti ere txarteldegiko prezioaren gainean.

Ekimen honek gazteriaren artean antzerkia, dantza, opera, musika sinfonikoa edo jazza bazalako adierazpen kulturalekiko zaletasuna piztea bilatzen du, biztanlego gaztearekiko urrunago dauden adierazpen artistikoekiko alegia, lehentasun kulturalekiko egin diren zenbait ikerketa lanek esaten dutenaren arabera.

URTARRILA ETA OTSAILA

Honenbestez, Kultura 18 txartelaren agenda kulturalean urtarrilerako eta otsailerako Bilboko Orkestra Sinfonikoaren kontzertuak, Euskalduna Jauregiko Bilboko Udal Musika Bandarenak, opera ikuskizunak - Arriagan programatutako ABAO denboraldikoen kontzertuak barne-, La Bilbainako jazz kontzertuak, Fas Zine Klubeko saioak, La Fundicion aretoko antzerki eta dantza saioak, Musiketan zikloko folk kontzertuak edo eta Bilboko Itsas Museora bisitak eskaintzen ditu.

Txartelaren jabeek Arriaga Antzokian estreinatuko den Cosmetica del enemigo antzezlanera joateko aukera ere izango dute; Amelie Nothomb belgiar idazlearen izen bereko eleberrian oinarritutako antzezlana da.

Musiketan zikloaren barnean izango diren Corinne West eta Kirsty McGee abeslariak; Fas zine-klubeko egitarauko John Forden Las uvas de la ira film klasikoa edo Bilboko Orkestra Sinfonikoak eskainiko duen musika errusiarraren kontzertu klasikoa izango dira, besteak beste, Kultura 18 txartelaren jabeek doan ikusi ahal izango dituzten ikuskizunak. Eskaintzen diren emanaldien programazio zehatza, ordutegiak eta hauetara joateko baldintzak www.kultura 18.com webgunean aurki daitezke.

2009an 18 urte betetzen dituzten gazteek www.kultura18.com webgunean sartu besterik ez dute egin behar txartela eskuratzeko, bertan dagoenn eskaera-orria betez. Halaber, 010 telefonoan eskatu dezake eta egun gutxiren bururan bere etxean jasoko du ineteresatuak. Baldintza bakarra Bilbon erroldatua egotea eta 2009ko urtarrilaren 1etik abenduarten 31ra bitartean 18 urte betetzea da. Datu hauek Bilboko Udalak baieztatuko ditu eskaera jasotzean, eta beraz ez da izango beharrezkoa dokumentaziorik aurkeztea.

Txartelarekin batera bi txeketegi jasoko ditu eskatzaileak: bata, sarrerekin aldatzeko baleekin eta bestea, berarekin doanaren sarrerak eskuratzeko baleekin, aukeratutako ikuskizunaren %50 besterik ordainduko duelarik. Honela, ikuskizun batera doan bakoitzean Kultura 18 txartelarekin soilik pasatu beharko da gaztea leihatilatik, bere NANarekin eta bale hauetako bat aldatu eta bere izenarekin bete beharko du sarrera eskuratzeko; lagunarekin joanez gero, beste balea eman eta lagunak erdia besterik ez du ordainduko.


113 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin