Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Udalak Gautxori zerbitzua eskainiko du Gabon zahar gauean


2006-12-29 11:33

BILBO, 29 (EUROPA PRESS)

Laugarren urtez segidan, Bilbobuseko Gautxori gaueko autobusen zerbitzua osatzen duten sei lineak eskainiko ditu Gabon zahar gauean. Horrela, Bilboko Udalak periferiako auzoetako eta hiriko erdigunearen taberna gune desberdinetako mugikortasuna erraztu nahi du, norberaren ibilgailu pribatua ahalik eta gutxien erabili dezaten.

Abenduaren 31ko 20,00 eta 20,30 bitartean, Bilboko eguneko zerbitzuen leku nagusietako azken irteerak izango dira. Gautxori zerbitzuak urte amaierako kanpaien ondoren ibiltzen hasiko dira: urtarrilaren 1eko goizaldeko 1,00etatik aurrera.

Gabon zahar gaueko gaueko zerbitzuak amaitu ondoren, 9,00etatik aurrera, Bilbobuseko eguneko lineak berriz aterako dira eta jaieguneko zerbitzua eskainiko dute.

Aurten ere, Bilboko Udalak urteko azken gauean kotilioietara, tabernetara, diskoteketara edo festa pribatuetara joango direnei gomendatu die garraio publikoa erabiltzea, bai Gautxori zerbitzuaren bidez eta bai bidaiariak garraiatzeko bestelako garraio-antolatzaileek antolatutako zerbitzu berezien bidez.

Iaz, 3.500 lagun inguruk Bilbobuseko gaueko zerbitzuak erabili zuen Urte zahar gauean, 2005eko urtarrilaren 1ean izandako zifrak berdinduz eta 2004ko urtarrilaren 1ean izandakoak baino 1.200 bidaiari gehiago lortuz (Gautxori zerbitzua abian jarri zen lehenengo urtea).

Bestalde, Bilboko Udalak gogoratu du Udaltzaingoak, orden publikoa zaintzeko eta udal ordenantzak betearazteko betebehar arruntez gain (material piroteknikoa saltzea eta manipulatzea debekatzea, esaterako), alkoholemia kontroleko gune desberdinak ezarriko dituela Bilboko Udaletik zehar alkoholaren eraginpean doazen gidariei isuna jartzeko.

Azkenik, Bilboko Udalak jakinarazi du hilaren 31n ez dela zaborrak biltzeko gaueko zerbitzurik izango; beraz, bide publikoan ahalik eta hondakin gutxienak uzteko eskatu du.


177 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin