Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Udalak eta EHUk akordioa sinatu dute Bizkaiko unibertsitate campusa Bilbon zabaltzeko


2006-12-19 12:22

Hitzarmenaren arabera, unibertsitate hiri handi bat eraikiko da Sarriko eta San Mames inguruan

BILBO, 19 (EUROPA PRESS)

Bilboko Udaleko Gobernu Batzordeak behin betiko onetsi du Euskal Herriko Unibertsitatearekin (EHU) gauzatzeko lankidetza-hitzarmena, udal partzelak eta Erakustazoka Zaharreko lurraldeak trukatzeko eta emateko. Bertan, Bilboko unibertsitate zentroak bildu nahi dira, egun bi gune handitan sakabanatuta baitaude: Sarriko eta San Mames. Horrek aurrerapausu berri bat suposatzen du EHUko 2005/2010 EHUko Campuseko Garapen Planean.

Erakustazoka Zaharreko lurraldeetan Ingeniaritza Eskola berrietarako eraikinak kokatuko dira, eta Sarriko Fakultateari erantsitako lurraldean, Zientzia Ekonomikoen eta Juridikoen eraikin berria; gainontzeko lurraldeetan, berriz, Medikuntza eta Odontologia Fakultatea eta Erizaintzako Unibertsitate Eskola kokatuko dira. Lehenengo biak 50 urteko epe batez eman dira.

Unibertsitate zentroetako antolamenduaren ondorioz, egungo Industria Ingeniaritza Teknikoko Unibertsitate Eskola Kasilla Plazatik ingeniaritzetako eraikin berrietara eraman da, Erakustazoka zaharreko lurraldetan; Enekuriko Irakasleen Unibertsitate Eskola, berriz, Leioara eraman da. Azken horri dagokionez, bi erakundeek dagozkion hirigintza aldaketak izapidetzeko konpromisoa hartu dute, egun Irakasleen Unibertsitate Eskola kokatzen den partzelari erabilera berri bat emateko, unibertsitateko premiei aurre egiteko.

Hitzarmen honetan islatzen da Bilboko Udalak EHUren jabetzakoak diren Termibus lurraldeak erabiltzen jarraitzearengatik duen interesa.

Hitzarmen hau sinatzeari esker, Bilbo benetako unibertsitate hiri bilakatu daiteke, bi area nagusien inguruan: Sarrikokoa, Zorrotzaurre berrirantz hedatzen dena; eta bigarrena San Mameseko Industria Goi Ingeniaritzako Unibertsitate Eskolaren inguruan, Erakustazoka Zaharrerantz zabaltzen dena. Helburua, behingoz, fakultate guztiak batzea da, egun, sakabanatuta baitaude, esaterako, Arangoiti, Sarriko, Elcano, La Casilla edo San Mamesen.


158 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin