Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Udalak Aste Nagusiko jaiguneak moldatuko ditu irisgarritasuna hobetzeko eta aukera berdintasunak bermatzeko


2006-08-17 10:33



BILBO, 17 (EUROPA PRESS)

Bilboko Udalak Aste Nagusiko jaigune gehienak moldatuko ditu antolatutako ekitaldi ezberdinetara doazen elbarriak lehentasunezko espazioetan sartzeko eta bertan egoteko aukera berdintasun osoz, Udal bilbotarreko iturrien arabera.

Irisgarritasuna hobetu asmoz, sarbide neurriak haur jarduerak (Erripako Kaian) eta gazte jarduerak (Uribitarteko Kaia), musika

ikuskizunak (Gizakundeko Eliza, Uribitarte eta Botika Zaharra), umore antzerkia (La Merced Ikastetxean) eta kirol jarduerak (Itxaropen Kaleko Pilotalekua) garatzen diren espazioetan ezarriko dira.

Modu berean, aparkaleku gune ezberdinak erreserbatu eta seinaleztatuko dira ondorengo guneetan: Erribera kalean, jai esparruaren barruan; Udalean, gasolindegiaren alboan; J.A Clave

ibiltokian; Etxebarriako biribilgunean, eta azkenik, Ametzola Plazan. Erreserba hauetako bakoitzak lau ibilgailuetarako lekua izango du eta aparkatzerik izango dute Udalak eta Jaurlaritzak ematen dituzten ezinduentzako ibilgailu moldatuentzako txartel berezien jabeek.

Jai gune hauetarako lehentasunezko sarbideez gainera, Bilboko Udalak ezintasunen bat duten pertsonen aukera berdintasuna bermatzeko beste neurri hauek ere hartuko ditu: agurrean eta pregoian zeinu bidezko lengoaiaren interprete bat egotea; egitarau nagusia eta musika klasikoaren egitaraua braillez argitaratzea; Marijaia eskala txiki berezian egitea, ondo ikusten ez duten pertsonentzat, besteak beste.

Neurri hauekin Bilboko Udaleko Jaietako Batzordeak ezintasunen bat duten pertsonei aukera berberak eskaini nahi dizkie, Aste Nagusia denontzat izan dadin. Horretarako, eskuko jai programa bat kaleratu du. Interesatuek Udaltegietan eta Turismoko Udal Bulegoetan eskura ditzakete aipatutako neurri eta gehiagoko informazioarekin. Gehiago jakiteko, www.bilbao.net helbidean.


122 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin