Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Udalak abian du jadanik Bilboko Bakearen Aldeko II. Astea ikastetxeek baken hezitzeko asmoarekin


2006-01-30 13:56



BILBO, 30 (EUROPA PRESS)

Bilboko Udalak gaur, urtarrilak 30, abiarazi du datorren larunbaterarte, otsailak 4, Bilboko Bakearen Aldeko II. Astea ikastetxeek baken hezitzeko asmoarekin eta Bakearen aldeko Tokiko Foroak antolatuta.

Ekimen hau Bilboko alkateak, Iñaki Azkuna, aurkeztu du gaur goizean prentsaurreko batean eta egun hauetan, Bakerako heziketan diharduten ikastetxe eta elkarteen lana nabarmendu nahi dela azaldu du, ekitaldietan zuzenean parte har dezaten, bakoitzaren esperientziak, materialak eta ezaguerak aurkeztuz.

Bakearen Aldeko Aste hau, Correosen laguntzaz antolatutako Bakerako zortzi buzoiak aurkezteko ekitaldiaz hasi da. Buzoi hauek Uriko barruti guzti-guztietan kokatuta daude, Indarkeriarik Ezaren alorrean hiritarrek dituzten gogoetak, ideiak, iradokizunak, marrazkiak, eskaerak edo iruzkinak biltzeko asmoz.

Aurkezpen ekitaldian, Bilboko Alkate Iñaki Azkunak, ITAKA-Escolapios Fundazioaren ordezkari Jon Ander Zaratek eta Correosen Lurralde Zuzendari Jose Antonio Amelibiak parte hartu dute, Bakearen Aldeko Tokiko Foroko kideekin batera. Bestalde, gaur Areatzako karpa zabalduko da jendearentzat. Bertan, Bakea aztergai duten era askotako ekintza eta jarduerak antolatuko dira aste osoan.

Astea Bilbao Bakea eta Tolerantzia lemapean ospatuko da. Ekimen honen helburua, ikastetxeak, elkarteak, kolektiboak, hedabideak eta hiritar guztiak indarkeriarik ezeko kulturaren inguruko jardueretara biltzea da, Bilbon xede berari begira garatzen ari diren ekimen guztien arteko bilgunea sortuz eta ekimen horiei guztiei ikuskera globala emanez.

LAGUNTZAILEAK

Ekitaldi sorta hau Bakearen Aldeko Tokiko Foroak 2004ko ekainean mamitu zuen akordioaren emaitza da. Bertan, hiritar guztien eta Uriko ikastetxe desberdinen partehartzea sustatuko lukeen Bakearen Aldeko Astea egitea erabaki zen.

Bakearen Aldeko Tokiko Foroa 2003-2004 ikasturtean sortu zuen Bilboko Udalak. Bertako partaide dira alderdi politikoetako zerrendaburuak, Deustuko Unibertsitateko eta EHUko errektoreak eta Eliz-Barrutia, Itaka-Escolapios Fundazioa eta Euskal Herriko Bakearen Aldeko Koordinakundeko ordezkariak.

Aste hau gauzatzeko lanetan, ondoko elkarte eta erakunde hauek lagundu dute: ITAKA-Escolapios Fundazioa, Bakerako Lankidetza-Asanblada, Zinhezba, Ede-Bakeola, Correos, Renoir Zineak, Gernikako Bakearen Museoa, EiTB, El Correo, Gernika Gogoratuz, Fomed, Bakeaz, Euskal Herriko Bakearen Aldeko Koordinakundea, Pedro Arrupe Institutua (Deustuko Unibertsitatea), Harresiak Apurtuz, Hezkuntza-Berrikuntza (Hezkuntza Saila), Kristau Eskola, Partaide Ikastolak, Terrorismoaren Biktimei Laguntzeko Zuzendaritza (Eusko Jaurlaritza), Giza-Eskubideen Zuzendaritza (Eusko Jaurlaritza) eta Bilboko Bakearen Aldeko Tokiko Foroa. Denak ikastetxe, elkarte eta hedabideen zerbitzura daude, Bakearen inguruko ekimenak bideratzen laguntzeko.


225 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin