Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Udalak 600.000 euro inguruko aurrekontua finkatu du autonomia mugatua duten laguntza-programarako


2006-11-07 11:55

BILBO, 7 (EUROPA PRESS)

Bilboko Udalak autonomia mugatua duten pertsonentzako zerbitzuen eskaintza sendotu du Urrats bat gehiago izeneko laguntza-programari esker. Aurten, programaren aurrekontua 600.000 euro ingurukoa izango da, Bilboko Udaleko iturriek iragarri dutenez.

Programa Udal bilbotarreko Gizartekintza Sailak sustatzen du Euskarri elkartearen lankidetzarekin. Egitasmoaren helburua da zailtasun fisikoak eta psikikoak dituzten pertsonei laguntza eta konpainia eskaintzea, askok eta askok behar hori dutela antzeman baita.

Urrats bat gehiago programa duela hiru urte sortu zuen Aurrerantz Elkarrekin irabazi asmorik gabeko elkarteak, esperientzia pilotu gisa. Programa batez ere mugitu ezin duten pertsonei zuzendua dago, hau da, kalera irtetea edo beste jendearekin harremanak izatea asko kostatzen zaienei. Era berean, bakarrik dauden pertsona helduentzat ere bada, bakardadea saihestearren, eta, behar izanez gero, pertsona horiek zaintzen dituzten senideei laguntza ematearren.

Horretarako, Urrats bat gehiago programak zerbitzu pertsonalizatua eskaintzen du, erabiltzaileen bizikidetasuna zein gizarteratzea lortze aldera. Urrats bat gehiago programaren barneko zerbitzuan funtsezkoak dira hitz egitea, paseatzea, erosketak egitea, medikuarengana joatea edo pertsona horiei etxean nahiz etxetik kanpo mugitzen laguntzea bezalako ekintza errazak eta egunerokoak.

Iaz, Bilboko Udaleko Gizartekintza Sailak 449 zerbitzu burutu zituen Urrats bat gehiago laguntza-programan; guztira, 70.226 lanordu egin ziren. Zerbitzuen %5,12 programaren erabiltzaileei medikuaren kontsultara joateko laguntza izan zen; %14,92, berriz, etxean konpainia eskaintzeko; eta, %26,73 ibilaldi terapeutikoak edo aisialdikoak egiteko. Zerbitzuen gainerako %53,23ren kasuan bi gauzak egin ziren; hots, paseoa eta konpainia.

Urrats bat gehiago programa duela hiru urte jarri zen abian. Hiru urte eta gero, Bilboko Udaleko Gizartekintza Sailak zerbitzuari beste norabide bat eman dio; izan ere, lankidetza-hitzarmena sinatu du Euskarri gizarteratze enpresarekin. Enpresa hori laguntza sozialak kobratzen dituzten pertsonak laneratzen aritzen da.

GIZARTERATZEA

Modu horretan, Bilboko Udalaren Urrats bat gehiago programak zerbitzua ematen die autonomia mugatua duten pertsonei; alegia, isolamendu soziala edo familia-karga gainditzeko laguntza behar dutenei. Halaber, egun oinarrizko errenta jasotzen duten hainbat pertsona --batez ere emakumeak-- lanean sartzeko plataformatzat hartzen da.

Ildo horretan, zerbitzu hori emateko Euskarri enpresa sartuta, horretarako dauden langileen lan-baldintzak hobetuko dira eta Urrats bat gehiago programa finkatuko da. Aurten, Bilboko Udalak guztira 579.359 euroko inbertsioa egingo du.


101 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin