Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Udalak 316 lokal jarri ahal izango ditu salmentan Otxarkoagan, euren errentarien aurretiko baimenarekin


2006-01-11 17:39

Julia Madrazoren esanetan lokal eta alokairu bakoitzari banakako azterketa egingo zaio espekulazioa sahisteko

BILBO, 11 (EUROPA PRESS)

Bilboko Udaleko Udal Etxebizitzak erakundeak 316 lokal komertzial ipini ahal izango ditu salgai Otxarkoagan martxotik aurrera, zeintzuk enkante publikoan salduak izan daitezkeen. Hala eta guztiz ere, egungo maizterrek baimendu dituzten lokalak baino ez dira salmentan jarriko, gaur goizean ekimenaren arduradunek emandako prentsaurreko baten arabera.

Izan ere, pertsona horiei dagokie enkante publiko bidez salmentan amaituko duten izapideei ekitea. Beraz, prozesuak ez die eragingo udal lokala alokatuta dutenei eta alokairu egoerarekin jarraitu nahi dutenei. Enkantea martxoaren amaiera aldera egingo da, Bizkaiko Aldizkari Ofizialean argitaratu ostean.

Udal Etxebizitzak elkarteko lehendakari den Julia Madrazok azaldu duenez, lokal hauen erosketa merkatarien gogo zahar bat da eta bere ustetan ekimen honek Otxarkoagako merkataritza suspertu eta modernizatzeko bakioko du.

Edo beste hitzetan, auzoko merkatariek lokalaren jabe izan nahi dute hoietan hobekuntzak egiteko euren kontura eta gainera irabazitako dirua auzoan inbertituko da zertxobait makal dagoen sektore bat berindartzeko, hiriko edozein gune suspertzeko ezinbestekoa dena, Madrazoren ustetan.

EPEA ZABALIK TASAZIOA ESKATU ETA EGITEKO

Joan den irailean, Udal Etxebizitzak erakundeak gutun bat igorri zien Otxarkoaga auzoan udal lokala alokatuta zuten pertsona guztiei; bertan, errentan hartutako lokala jabetzan izateko aukeraren gaineko informazioa eman zitzaien.

Une horretatik aurrera, interesa agertu zutenek beren lokalaren tasazioa eska zezaketen errentan hartutako lokalaren enkantean bidezko prezioa edo irteerako prezioa ezagutzeko. Eskaera hori egiteko epea urtarrilaren 20 arte egongo da zabalik.

Tasazio-eskaerak ez du enkante-prozesuaren hasiera automatikoa ekarriko berekin. Balio justua ezagutu ostean, maizterrek, orain arte bezala manten dezakete alokairuaren egoera edo enkantearen izapideen hasiera (otsailak 17 baino lehen egin behar duten kudeaketa) modu formalean eska dezakete. Enkanteko jarduera publikoak martxoaren amaieran izango dira Udal Etxebizitzak erakundearen egoitza zentralean (Kristo kalea, 1 zk., 5. solairua).

Lokal eta alokairu bakoitzak txosten indibiduala izango du. Horrela, enkanteko paper-orriak aurrez ikusi duen moduan, egungo maizterren eskubideak defendatu nahi dira eta higiezinen espekulazioaren ondorio lazgarria ekidin nahi da.

Hori dela eta, prezio justua txosten horietan oinarrituta ezarriko da; beste gauza batzuen artean, ondorengoak hartuko dira kontuan: alokairuaren karga eta egun lokalak alokatzen dituzten pertsonen ahalmen ekonomikoak irteerako prezioarekin bat egiten duela bermatzeko beste behar batzuk.

Lokalen tasazioa Servatas enpresak, zerbitzu horiek eskaintzeko lehiaketa publiko bidez aukeratutakoak, egin ohi du. Servatas, Servicios Vascos de Tasaciones, 1984. urtean eratu zen eta haren jarduera nagusia edozein ondasun motaren balorazioa, tasazioa eta txosten teknikoak zein komertzialak egitea zen. Servatasen kapital sozialeko partaide guztiak Euskadiko hiru aurrezki-kutxak dira.

INBERTSIOAK OTXARKOAGAN

Lokalak saltzetik lortutako diru-sarrerak berriz ere Otxarkoagara itzuliko dira; izan ere, Udal Etxebizitzak erakundeak aipatutako lokal kopuru handiaz gain, 1.200 etxebizitza du errentan.

Errentan emateko etxebizitza berriak eraikitzeari dagokionez, bestalde, Makaldi eremuko 130 etxebizitza berrien sustapena fase aurreratuan dago dagoeneko eta urte amaieran amaituko dute. Etxebizitza berriak (bi eta hiru logelatakoak dira eta sukalde ekipatua dute) 7 ataritan banatuta daude eta bideoatezaina izango dute instalatuta.

Multzo osoa errenta-erregimenean esleituko dute Bilboko etxebizitzen eskatzaileen zerrenda bakarrean izena emanda dauden lagunen artean egingo duten hurrengo lehiaketa publikoan. Gainera, ezintasuna duten pertsonentzako 5 etxebizitza ere biltzen ditu.

Otxarkoagan egin dituzten inbertsioak Udal Etxebizitzak erakundeak abian jarritako Inbertsioen Programaren baitan daude eta 2009. urterako, higiezinen parke horretara beste 1.200 etxebizitza berri sartzea aurrez ikusi du.

Otxarkoagaren kasuan, lehen aipatutako Makaldiko eraikuntzaz gain, laster hasiko dituzte beste bi sustapen: Areitioko Darion eta Aixe-Onan; guztira, 53 etxebizitza berri, hain zuzen ere.


201 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin