Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Udalak 2.400 zuhaitz-landare landatuko ditu hiriburuko mendietan eta beste 10.000 pago-landare Pagasarrin


2006-02-17 12:55



BILBO, 17 (EUROPA PRESS)

Bilboko Udalak hiribilduko mendien egoera hobetuko du espezie autoktonoekin lurrak baso-berritzeko zuhaitz berriak erosiz. Zuhaitzak landatzeko sasoia hasi berria delarik, Arraiz, Arnotegi, Pagasarri, Artxanda eta Iturritxualde mendietan hainbat espezietako 2.400 zuhaitz-landare landatuko dituzte.

Udal bilbotarrak prentsa-ohar batean aditzera emandakoaren arabera, ezaugarri horien arabera, hauek dira hautatutako espezieak edo antzekoak: Quercus Rubra eta Quercus Robur haritzak, Castanea Sativa gaztalondoa, Bétula Berrucosa, Acer ssp, Pinnus Nigra pinua, Tilia ssp, Fraxinus ssp, Liquidambar, Fagus Syvatica pagoa eta Taxus Bacata.

Landaketa horiekin, Bilboko Udaleko Obra eta Zerbitzuen Sailak lurra babestu nahi du higadura fenomenoengandik eta ondoren aisialdirako erabili. Neurri honekin, Udalak Bilboko mendietako paisaia hobetu nahi du. Gaur egun, Bilbok 10 milioi metro koadroko mendi-azalera du, eta 1.380.000 metroko koadroko lorategi azalera.

Baso-berrituko diren eremu guztiak eremu fitoklimatikoan daude: klima beti hezea izatea da eremu horietako bereizgarria, eragin ozeanikoekin eta urtaro hotz laburrarekin. Horrek baso kaduzifolioak sortzen ditu.

Zuhaitz-landareen landaketa honela egingo da: lehenik, pista eta baso-bideen ertzarekiko lerroan eta geroxeago zuhaiztiak osatuz zelai eta aisialdi eremuetan. Landareekin egindako baso-berritzea zuhaitz helduak dauden oihanpetan egingo da, horiek ordezkatzeko. Zuhaitz-landareak erosten, 2.400 ale, Udalak guztira 47.094,00 euro inbertituko ditu.

Pagasarriren kasuan, Udalak 10.000 pago-landare landatuko ditu lurra flora autoktonoarekin baso-berritzeko eta insignis pinuz osatutako basoak pagadi bihurtzeko. Landaketa horretan 26.000 euro inbertituko ditu.


209 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin