Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Udalak 109 garaje-partzela dituen Azoka Zorrozako egoiliarrentzako aparkaleku berria inauguratu du


2009-02-09 13:49

BILBO, 9 (EUROPA PRESS)

Bilboko Udalak Zorroza auzoko egoiliarrentzako Azoka izeneko aparkalekua jarri du gaur martxan. Guztira, 109 partzela daude erabilgarri eta horietako lau mugikortasun murriztua duten pertsonentzat zuzenduta daude.

Zorrozako Azoka aparkalekua jabari publikoko egoiliar emakidadunek erabiliko dute martxan jartzen denetik 40 urteko epean zehar. Gaur egun, erabilgarri dauden 109 partzeletatik 85 saldu dira eta bost egoiliar itxaron-zerrendan onartuta eta kontratua formalizatzeko zain daude. Partzelen gehiengo salneurria lehenengo sotoan 14.625 eurokoa izan da eta bigarren sotoan 13.750 eurokoa.

Azoka aparkalekuaren lanak Aparcamientos de Bilbao S.A., concesionaria del Ayuntamiento de Bilbao enpresari esleitu zitzaizkion 2005eko otsailean, Jardines de Garai eta Sarrikoko egoiliarrentzako aparkalekuetako zein Indautxuko plazako txandaketa aparkalekuaren eraiketa eta ustiapen zerbitzuez gain.

Azpiegiturak angeluzuzen baten itxura du eta bi solairutan banaturik dago. Hauetako soto bakoitza berauen ertzeetan kokaturik dauden norabide bakarreko arrapaladez loturik dago. Gainera, ibilgailuen sarrera eta irteerarako arrapalada aske bat du eta oinezkoentzako hiru sarbide, hauetako bat mugikortasun murriztua duten pertsonentzako igogailu bat delarik.

Egoiliarrentzako Azoka aparkalekuaren eraikuntza fase ezberdinetan gauzatu da. Lehenengoan, urbanizazioko elementuak desmuntatu ziren eta eraikuntzak kaltetu posible zituen zerbitzuak desbideratu ziren, ur, gas eta telefono hornikuntzak, besteak beste.

Bigarrenean, hondaketa gunea ustu zen; horretarako, hormigoi pantailak eta batatxez osaturiko hormak behin-behineko ainguratzeekin exekutatu ziren.

Hirugarren fasean egitura altxatu zen, ondoren egitura honen bukaera gauzatzeko, hau da, eskailerak eta oinezkoentzako sarrerak egiteko. Azken fasean, aparkalekuko instalazio guztiak bukatu ziren, azpiegituran partzelak eta bide-marrak seinaleztatu zituzten eta baita paretak margotu ere. Soto bakoitza, ibilgailuen eta oinezkoen sarrera eta irteeren antzera, kolore ezberdinez margotu ziren gune ezberdinak desberdintzeko eta aparkalekuaren erabilera egoiliarrentzat erosoagoa izateko. Gaur egun, gutxi barru burutuko diren aparkalekuko estalkiaren urbanizazio lanak bukatzeke daude.

Aparkalekuak ur hornikuntza, saneamendu eta drainatze instalazioak ditu, suteak detektatzeko eta itzaltzeko sistemak, aireztapena eta CO detektatzeko sistemez gain. Gainera, soto guztiak lotzen dituen eta kalerako irteera duen igogailu bat ere badu.


265 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin