Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Udal Musika Eskolak ikasturte berria hasiko du gaur 1.300 ikaslerekin


2006-09-11 12:47

Instrumentuetan, teklatuak (pianoa) eta gitarra, klasikoa nahiz elektrikoa, dira eskaririk handiena izan dutenak

BILBO, 11 (EUROPA PRESS)

Guztira 1.300 ikaslek hasiko dute gaur 2006-2007 ikasturtea BilbaoMusikaren menpeko Bilboko Udal Musika Eskolan. Instrumentuetan, teklatuak (pianoa) eta gitarra, klasikoa nahiz elektrikoa, dira eskaririk handiena izan dutenak, Bilboko Udaleko iturrien arabera.



Aurtengo ikasleen kopuru hau Eskolaren aurreko ikasturteko eskaintza baino handixeagoa da. Orduan, 1.227 ikaslek parte hartu zuten guztira udal erakunde honetako eskoletan. Udal Eskolarako eskaria handitu egiten da urterik urte, eta ildo honetan, gaur hasiko den ikasturteak aurrekoak baino %6 ikasle gehiago izango ditu.

Ikasgaiei dagokienez, oraingo ikasturteak ez du nabarmentzeko moduko berrikuntzarik ekarriko, aurreko ikasturteetan ezarritako irizpideei jarraituz normaltasun osoz. Ohi bezala, teklatuak (pianoa) eta gitarra, klasikoa nahiz elektrikoa, izan dira eskaririk handiena izan duten instrumentuak.

Instrumentu baten erabileran eta musika-lengoaian trebatzeko gutxieneko adina zortzi urtetan ezarrita duelarik, Eskola honen irakaskuntza-eskaintzak kantua, musika instrumental sinfonikoa, jatorri tradizionaleko musika instrumentala eta dantza, instrumentu polifonikoak eta era askotako joerak (jazz, rock, pop, musika elektronikoa) biltzen ditu.

Eskolak 25 instrumentu espezialitate eskaintzen ditu gutxi gora-behera, baita Musika-Informatika, Instrumentu-Taldea, Harmonia eta inprobisazioa edota Musikaren Historia bezalako ikasgaiak ere, besteak beste.

BilbaoMusika Bilboko Udaleko Kultura eta Euskara Sailaren menpeko organismo autonomoa da, eta Musika Eskola, Udal Banda, Txistulari Banda eta Ikasfolken kudeaketaren arduraduna. Era berean, musika kultura sustatu eta zabaltzeko ardura dauka, baita hirian bertan egiten diren ekintzena ere. Informazio gehiago lortzeko www.bilbaomusika.com webgunera jo daiteke.


99 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin