Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Udal Musika Bandak Adam Ferreroren A Bilbao obra estreinatuko du igandean Euskalduna Jauregian


2009-01-30 18:23

BILBO, 30 (EUROPA PRESS)

Bilboko Udal Musika Bandak Bernardo Adam Ferrero maisuak konposatutako A Bilbao obra sinfonikoa estreinatuko du igande honetan Bilboko Euskalduna Jauregian. Kontzertuan, gainera, Juan Vicente Codina tronpeta bakarlariak parte hartuko du, Rafael Sanz-Espert Bandako zuzendari Titularraren zuzendaritzapean. Saioa 12:00etan hasiko da eta sarrerak 2 eurotan erosi daitezke jauregiko txartel-leihatilan.

A Bilbao pieza hiru mugimenduz osatzen da, non maisu valentziarrak sinbolikoki Bilboko leku eta irudietatik ibilbide bat egiten duen, Alde Zaharrari, Begoñako Amatxuri eta Itsasadarrari eskaintzen diolarik.

Obra hau BilbaoMusika elkartearen eskaria betez konposatu du Adam Ferrerok Bilboko Udal Musika Bandarentzat, zuzendaritzan zein musika konposaketan esperientzi handia duena izanik. Valentzia, Madrilgo Sinfonikoa, Espainiar Irrati Telebistakoa, Espainiar Lirikoa edo Bulgariako Sofia Sinfonikoa zuzendu ditu Ferrerok, eta hainbat sari eskuratu ditu. Gaur egun, Madrilgo Real Camerata Española eta Valentziar Ganbera Orkestra eta Mare Nostrum talde bakarlariak zuzentzen ditu.

Kontzertuko gainontzeko programa ondorengo obrekin osatuko da: Jesus Santandreuren Velo de Isis; Alexander Grigorevich Arutunianen Concierto para trompeta y orquesta eta Oscar Navarroren El arca de Noe. Gainera, Juan Vicente Codina tronpetistak parte hartuko du, 1988an Bilboko Musika Bandaren irakasle izandakoa, Espainiar Gazte Orkestra Nazionaletik pasatu ostean. Bilbotar bandan aritzen denetik hainbat prestakuntza ikastaro egin ditu eta Bilboko Sinfonikoarekin eta Kieveko Filarmonikoarekin parte hartu du hainbatetan.


217 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin