Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Udal Etxebizitzek eta Emausek hitzarmena sinatu dute udal pisuetako altzariak eta tresnak jaso eta berritzeko


2009-02-06 14:39

BILBO, 6 (EUROPA PRESS)

Bilboko Udal Etxebizitzak erakundeak eta Emaus-Bilbao gizarte ekimeneko kooperatibak bien arteko lankidetza hitzarmen berria aurkeztu dute gaur. Hitzarmenaren arabera, Emaus etxebizitzak husteaz eta Udal Etxebizitzak erakundeak kudeatzen dituen etxebizitzetan berriro erabili daitezkeen tresnak berritzeaz arduratuko da.

Emausek eta Bilboko Udalak denboratxoa daramate elkarlanean, eta, horregatik, hain zuzen, hitzarmen honek harremana hobetzeko balioko du, kasu honetan, Udal Etxebizitzak erakundearekin batera. Hala, jarduera osagarriak koordinatu ahal izango ditugu eta emaitzak hobetu, ahalik eta arinen, adierazi du Julia Madrazo Udal Etxebizitzak erakundeko presidenteak eta Bilboko Udaleko alkateordeak, hitzarmena sinatu ondoren.

Halaber, Jose Manuel Gomezek sinatu du hitzarmena Emaus-Bilbaoren ordezkari gisa. Hitzarmenak urtebete iraungo du, baina luzatu egin daiteke, alde biek horrela adostuz gero.

Akordioari esker hiru helburu beteko dira: etxebizitza husteko prozesua irabazi asmorik gabeko eta gizarterarze-esparruan diharduen kanpoko eragile batek gauzatzea; jasotzen diren tresnak gizarteko sektore erdeinatuenetara bideratzea; eta objektuak ingurumen-iraunkortasun irizpideekin kudeatzea.

Udal etxebizitza bat hustea beharrezkoa denean, alokairu kontratua amaitutzat emateko eskatzen delako, Emausek sustatzen dituen gizarteratze-enpresek (enpresa horietan gizarteratze eta laneratze prozesuetan dauden pertsonek lan egiten dute) bost eguneko epean gauzatuko dute lan hori, gehienez ere.

Udal Etxebizitzak erakundeko pertsona esleipendunak ere hitzarmenaz balia daitezke, beharrezkoa badute. Izan ere, Emaus-Bilbao kooperatibari aurrekontu bat eska diezaiokete baldintza oso onetan, babestutako alokairuan duten udal etxebizitza hornitzeko. Udal Etxebizitzetako maizterrek, halaber, udal etxebizitzetatik jasotako altzariak nahiz tresnak eskura ditzakete. Gainera, kooperatiba elkarteak berritutako altzariak eta tresnak izango dira, salgai jarri gura direlako.

Lankidetzaren eta kooperazioaren esparruan sinatutako hitzarmena da, eduki ekonomikorik gabea. Gisa horretan, Emausek tresnak jasotzeagatik (guztiak ezingo dira berriro erabili) ematen duen zerbitzua konpentsatua egongo da, ondasunak berritu eta saldu ondoren lortuko diren irabaziekin. Berrerabili ezin daitezkeen tresnak Garbiguneetan edo hondakinak biltzeko zentroetan utziko dira.


133 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin