Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Txistularien Bandak eta Alos Quartet ganbera taldeak bihar aurkeztuko dute elkarrekin kaleratu duten diskoa


2006-11-28 13:51

BILBO, 28 (EUROPA PRESS)

Bilboko Udalaren Txistularien Bandak bertoko musika-tresna nagusiaren interpretazio-aukerak bultzatzeko ahalegina mantentzen du, eta CD berri baten argitalpena iragarri du, Alos Quartet harizko laukotearekin batera burutua. Lehen disko hau bere osotasunean euskal txirula eta harizko musika-tresna klasikoak elkarrekin jotzen dituzten piezak ditu, eta zuzenean aurkeztuko da bihar Bilboko Euskalduna Jauregian, BilbaoMusikak antolatzen duen Asteazkenetan, txistua benetan kontzertu-zikloaren barruan.

Udal bilbotarreko iturrien arabera, Harizko txistua izenburupean zortzi obra berri aurkezten dira Ruper Lekuek, Javier Ituartek, Aitor Furundarenak, Xabier Zabalak, Hilario Extremianak, Alvaro Garciak eta Itoiz rock taldeko lider ohia den Juan Carlos Perezek konposatuak. Diskoak musika estilo ezberdinak biltzen ditu eta tradiziozko doinuak, habanerak, lo-kantak edo jazza bezalako erreferentzia desberdinak ditu.

Konposizio eta interpretazio berrikuntzekin batera, Harizko txistua obraren grabazioa eta argitalpena finantziatzeko duen sistema originalarengatik nabarmentzen da, pieza bakoitza babesten baita.

Enpresek --Valeriano Urrutikoetxea eraikitzailea, Batz trokelgintza, Lanik egurrezko egituren fabrikatzailea, Umpro 2000 sustatzailea eta Argintza marmoldegia-- eta mota ezberdineko erakundeek --Tolosa 750. Urteurrena Fundazioa, Elorrioko Udala eta San Valentin de Berrio-Otxoa Kofradia-- hartu dute parte ekimenean.

CDaren lehen tiradan 2.000 kopia kaleratuko dira, eta bere grabazioa Zazpi Kaleetako Merkatarien Elkarteak babesten du, BilbaoMusikarekin duen hitzarmenaren bidez.

Bilboko Udalaren Txistularien Banda heziketa-hezkuntza sendo eta interpretazio eta irakaskuntza mailan lanbide-heziketa zabala duten bost musikari gaztek osatzen dute. Garikoitz Mendizabal zestoarra (lehen txistua) bandako zuzendaria da 2004. urtetik, eta Euskal Herriko Txistularien Elkarteko zuzendari karguarekin uztartzen du. Taldea osatzen dute Idoia Kareaga bilbotarrak --amatasun-bajagatik Iban Ibarretxerri utzi dio behin behineko postua--, Sabin Bikandik, Gorka Zabaletak eta Asier Garciak.

TXISTUA ETA HARIZKO MUSIKA-TRESNEN FUSIOA

Alos Quartet 1999an sortu zen Et Incarnatus ganbera-orkestraren barruan, eta jardunbide artistiko zabala duten musikariek osatzen dute, bai musika klasikoan bai eta beste genero-motatan ere, bereziki folk-musika, izan ere partaideak Oskorri, Benito Lertxundi edota Kepa Junkerarekin batera jo dute, Dulte Pontes, La Buena Vida, Bide Ertzean, Rafa Rueda edo Ken 7koen biretan parte-hartzeaz gain.

Bere errepertorioa arlo ezberdinak biltzen ditu ikuspuntu berezia eskainiz harizko laukotearen osaketa klasikotik abiatuz. Bere lehen bakarreko lana 2005an kaleratu zen, eta Xabier Zeberio (bibolina), Francisco Herrero (bibolina), Lorena Nuñez (biola) eta Pello Ramirez (biolontxeloa) musikariek osatzen dute.

Txistuaren eta harizko musika-tresna klasikoen soinuen fusioa aurrekari gutxiko arloa da, horregatik Harizko txistua da lehenengo diskoa osotasunean musika-tresnen elkartze berritzaile hau jasotzen duena. Bilboko Udalaren Txistularien Bandak berak eskaini zuen aurreko urtean kontzertu bat piano eta harizko laukote batez lagunduta, Asteazkenetan, txistua benetan programaren barruan, non txirula euskalduna genero eta estilo musikal ezberderdinetara zabaltzea funtsezkoa den.

Bilboko Udalaren Txistularien Banda berriztua orain dela bi urte hasi zuen aldi berri bat eta dituen tradiziozko ekintzak (festak, kalejirak, protokolozko ekitaldiak, etab.) beste ekitaldi programa zabalago batera gehitzen dira, Euskal Herrian bertan eta kanpoan emandako girak, kontzertu didaktikoak edota genero eta estilo musikal berrien hastapena. Gainera danbolindari talde profesional bakarretarikoa da.

Bilboko Udalaren Txistularien Banda, BilbaoMusikaren menpe dago gaur egun, Bilboko Udaleko Kultura eta Euskara Sailaren menpeko organismo autonomoa, eta Musika Eskola, Txistularien Banda, Udal Banda eta Ikasfolken kudeaketaren arduraduna da. Era berean, musika kultura sustatu eta zabaltzeko ardura dauka, baita hirian bertan egiten diren ekintzena ere.


419 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin