Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko suhiltzaileek Australiarako bidaia ordaintzea lortu dute egutegiaren 40.000 ale saldu ondoren


2006-12-29 12:56

BILBO, 29 (EUROPA PRESS)

Bilboko Suhiltzaileen Zerbitzuak bere helburua lortu du eta Australiako Olinpiadetan parte hartzera joateko bidaia ordaintzea lortu baitu argazki-egutegiak erosi dituzten guztiei esker. Guztira 40.000 ale bi hilabetetan saldu ondoren, ekimenak komunikabideetan izan duen oihartzunak eta hiritarren erantzunak denak harrituta utzi ditu, baita antolatzaileak beraiek ere.

Bilboko suhiltzaileek hiritar guztiei eskerrak eman nahi izan dizkiete egutegiak saltzeko kanpaina osoan eman duten laguntza eta interesarengatik. Eskertze hori emakumeei bereziki zuzentzen zaie, horiek izan baitira ekimen honen alde eta egutegi gehien erosi dituztenak.

Egutegia, Lucho Rengifo argazkilariak ekainean eta uztailean egindako argazki-saio batzuk abiapuntu hartuta egin zen. Ondoren, salmenta gune desberdinetan jarri zen salgai, batez ere, merkataritza txikiko dendetan eta Ikea multinazionalean. Horiei guztiei, Suhiltzaileen Zerbitzuak eskerrak eman nahi izan dizkie, euren laguntzarik gabe, ekimen hau aurrera eramatea ezinezkoa izango baitzen.

Hain zuzen ere, 23 kirolari joango dira Australiara, Polizien eta Suhiltzaileen Olinpiadetan parte hartzeko, Adelaida hirian, martxoaren 15 eta 25 bitartean, eta egutegien salmentarekin lortutako dirua bidaia, egonaldia eta kirol-materiala ordaintzeko erabiliko dute. Bildutako funtsen zati bat, 3.000 euro, ETBk minbiziaren aurka antolatutako Telemaratoiari eman diote eta gainontzeko dirua oraindik erabakitzeko dagoen hainbat GKEri emango diote.

IDEIA

2007ko Polizien eta Suhiltzaileen Munduko Jokoak Australiako Adelaida hirian izango zirela ofizialki iragarri ondoren, Bilboko Udal Suhiltzaileak bidaia ordaintzeko beharrezko funtsak bildu ahal izateko ideia gauzatzen hasi ziren: Suhiltzaileen Zerbitzuaren beraren argazki-egutegi bat egitea.

Horrela, ekainean suhiltzaileen ordezkaritza batek hainbat argazki-saiotan parte hartu zuen. Bertan, egutegian agertzen diren irudiak egin ziren, alegia, euren eguneroko bizitzaren erretratu artistiko batzuk.

Hasieran, 10.000 ale urrian saldu ondoren, salmenta etengabe igotzen hasi zen hasierako aurreikuspenak gaindituz. Bi hilabetetan, 40.000 ale saldu ziren.

Australia Bilboko suhiltzaileek parte hartzen duten hirugarren olinpiadak izango dira. Lehenengoa 2003ko Bartzelonako Polizien eta Suhiltzaileen Olinpiadak izan ziren. Bilboko suhiltzaileek Bartzelonan egin zuten lana hobetu zuten iaz Quebecen antolatutakoetan; bertan, 17 domina irabazi zituzten.

Gutxienez erregistro hori berdintzearen helburuarekin, Bilboko suhiltzaileek gogor egin dute lana sasoian egoteko Australiako Olinpiadetan.

Polizien eta Suhiltzaileen Munduko Jokoak bi urtez behin antolatzen dira munduko hiri desberdinetan. Beraz, nahitaezko kirol hitzordua da munduko polizien eta suhiltzaileen gorputz nagusientzat. Hein berean, aukera hori aprobetxatzen dute harremanak hobetzeko eta esperientziak konpartitzeko jokoek irauten dituzten zortzi egunetan zehar antolatzen diren sinposio, erakusketa eta izaera profesionaleko bestelako jardueren bidez.


145 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin