Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Orkestra Sinfonikoak La Roque DAntherongo Nazioarteko Jaialdian hartuko du parte datorren astean


2006-08-03 16:33

BILBO, 3 (EUROPA PRESS)

Bilboko Orkestra Sinfonikoa (BOS) La Roque DAntherongo Nazioarteko Piano Jaialdian izango da abuztuaren 8an eta 9an, uztailean ohikoa izaten den atsedenaldiaren ondoren. BOSek Juanjo Menaren zuzendaritzapean hartuko du parte Provenceko jaialdian, Bilboko Abesbatzeko Gizonen Koruarekin batera.

Orkestra bilbotarrak jaialdi entzutetsu honetako bi kontzertu nagusienetan hartuko du parte. Haietako bat Juan Crisostomo Arriagari dedikaturikoa izango da, BOSek prentsa-ohar bidez gaur jakinarazi duenez.

BOS hirugarren aldiz izango da jaialdi honetan, oraingoan Kun Woo Paik eta Alexander Melnikov pianistekin batera. Orkestrako arduradunen esanetan, BOSek eginkizun berri bat dauka: Arriagaren musika eramatea nazioartean pianoari dedikaturiko garrantzitsuenentzat jotzen den jaialdi ospetsu eta garrantzitsu honetara.

Arriagaren jaiotzaren bigarren mendeurrenean, BOSk jaialdiko arduradunei proposatu zen konpositore bilbotarrari kontzertu bat eskaintzea. BOSetik azaldu dutenez, proposamena pozik hartu zuten, eta aurten bere jaiotzaren urteurrena ospatzen den beste musika handi baten musikarekin batera entzungo da, Mozarten musikarekin batera, alegia.

BOSek parte hartuko duen lehenbiziko kontzertua hilaren 8an izango da, gaueko 21,00etan, Aulnes lakuan. Hurrengo egunean, hilak 9, orkestra ordu berean arituko dira Florans Gazteluko Parkean.

Orkestra bilbotarrak emandako datuen arabera, joan den edizioan 72.500 zaletu hurbildu ziren jaialdi honetan. La Roque DAntherongo Nazioarteko Jaialdiaren 26. edizioa uztailaren 20an hasi zen eta abuztuaren 22an bukatuko da, eta 70 kontzertu eskainiko ditu.


166 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin