BILBO, 7 (EUROPA PRESS)
Bilboko Merkataritza Ganberak IRPF berriari eta 2006ko bukaerako erabaki fiskalekiko izango duen eraginari buruzko jardunaldi tekniko bat antolatu du abenduaren 14rako, Europa Press-ek jaso duen merkataritza-erakundeko informazio baten arabera.
Jardunaldian zehar, aurrezki-aurreikuspen sistemak, 1994ko abenduaren 31a aurretik lorturiko ondare-elementuen aldi baterako erregimena, ohiko etxebizitzengatiko kendura, enpresaburuen eta profesionalen zerga-ordainketa eta beste elementu garrantzitsu batzuk aztertuko dira.
Topaketan parte hartuko duten hizlarien artean daude Alfonso Andia Bizkaiko Foru Aldundiko Ogasun Saileko arduradunetako bat edota Juan Carlos Gonzalez Lombo Bilboko Merkataritza Ganberako arlo fiskaleko irakasle-kolaboratzailea, besteak beste.
