Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Merkataritza Ganberak ireki du Bizkaiko XXIII. Erakusleihoen Lehiaketan izena emateko epea


2006-11-13 13:49

BILBO, 13 (EUROPA PRESS)

Bizkaiko Erakusleiho Lehiaketaren edizio berri bat hasi da gaur. Bilboko Merkataritza Ganberak 23 urte daramatza lehiaketa hau antolatzen, Bizkaiko auzo, herri eta hirietako irudi komertziala sustatatzeko asmoz.

Merkataritza-erakundeko iturrien arabera, gero eta gehiago dira lehiaketan parte hartu nahi duten establezimenduak; izan ere, azken bost urteetan, 3.000 establezimenduk hartu dute parte, Bizkaia osoan. 2005eko edizioan, berriz, 562 erakusleiho izan ziren.

BBK eta El Correo dira lehiaketaren babesleak, eta kolaboratzaileak, berriz, Eusko Jaurlaritzako Industria, Merkataritza eta Turismo Saila, Bilboko Udala, Telefonica, Iberdrola, El Corte Ingles, Cafes Baque, El Nervion, Punto Radio, Bilbo Vision eta El Correo Digital.

Horrez gain, aurten, 28 udalen laguntza izan dute antolatzaileek: Bilbo, Abanto Zierbena, Alonsotegi, Arrigorriaga, Balmaseda, Barakaldo, Basauri, Bermeo, Derio, Elorrio, Erandio, Galdakao, Gernika, Getxo, Gordexola, Güeñes, Lekeitio, Mungia, Muskiz, Ondarroa, Orduña, Ortuella, Portugalete, Santurtzi, Sestao, Sopelana, Trapagaran eta Zornotza.

Izena emateko epea gaur bertan hasi da eta abenduaren 7an amaituko da, eta erakusleihoak erakusteko epea abenduaren 9tik 31ra artekoa izango da.

Merkatariek EHUko Arte Ederren Fakultatearen eta Karrera Berrien Euskal Institituaren aholkularitza eskatu ahal izango dute. Horren harira, Barne-Diseinua Saltokietan eskuliburua argitaratuko da, bizkaitar merkatariei animatzeko eta aholkua emateko.


1091 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin