Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Lan Ekintzak 50.000 eurorekin lagunduko du 17 lanpostu sortuko dituen ekonomia sozialeko enpresa bat


2009-01-23 12:19

BILBO, 23 (EUROPA PRESS)

Bilboko Lan Ekintza udal sozietateak lankidetza hitzarmen bat sinatu du gaur goizean Koopera gizarte sarearekin, Bilboko Erdialdeko Azoka Ekologikoa eta Solidarioa izeneko proiektua abian jartzen laguntzeko. Lan Ekintzak 50.000 eurorekin lagunduko dio ekonomia sozialeko enpresa honen finantzaketari. Ekimen honekin 17 lanpostu sortuko dira 2010era arte, horietatik zortzi lanetik eta gizartetik kanpora egoteko arriskuan dauden pertsonentzat.

Ekintzailetza ekonomiko eta sozialeko proiektu hau gizartetik eta lanetik kanpo geratzeko arriskuan daudenak gizarteratzera eta lanaren merkatuan sartzera bideratuta dago, baita ingurumena eta jasangarritasuna errespetatzen dituzten ekintzak garatzera ere.

Enpresa berri honen ezaugarriak bat datoz Lan Ekintzaren jarduerak dituen helburu estrategikoetako batekin, hau da, erantzukizun soziala sustatzea, ekintzailetza eta berrikuntza bultzatzea ideia ekintzaileei eta ideia horien finkapenari laguntzeko, eta hiriaren lehiakortasun eta teknologia mailako garapenari laguntzea.

Bilboko Erdialdeko Azoka Ekologikoa eta Solidarioa Fernandez del Campo kaleko 16 eta 18 zenbakietan irekiko da. Ekimen honekin produktu solidario eta ekologikoen merkataritza sustatu nahi da, eta gainera, gizartetik eta lanetik kanpo geratzeko arriskuan dauden kolektiboentzat lanpostuak sortzea eta trebakuntza sustatzea. Enpresak, halaber, gizartearen eta ingurumenaren inguruko sentsibilizazio-ekintzak sustatuko ditu.

Ekonomia sozialeko proiektu hau lagundu nahi izan dugu bidezko merkataritza, ekologikoa eta solidarioa sustatzen dituelako, eta 17 lanpostu sortuko dituelako 2010era arte, horietatik zortzi gizartetik eta lanetik kanpo geratzeko arriskuan dauden pertsonentzat. Lan Ekintzak Bilborentzat nahi duen garapen ekonomiko solidario eta orekatua garatzen laguntzen dute ekintza horiek guztiek, adierazi du Jon Sustatxa Bilboko Udaleko Enplegu, Gazteria eta Kirol Arloko zinegotziak eta Lan Ekintzako presidenteak hitzarmena sinatzerakoan.

Hitzarmena Juan Antonio Arrieta Lan Ekintzako zuzendari nagusiak eta Josetxu Gonzalez Ortega Koopera gizarte sarearen ordezkariak sinatu dute. Koopera gizarte sarea ekimen sozialeko kooperatiba bat da, eta gizartetik kanpo geratzearen arriskuaren aurkako borroka du helburu.


166 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin