Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Itsas Museoaren Marrazoak erakusketak 20.000 bisitatik gora izan ditu orain arte


2006-12-04 16:52

BILBO, 4 (EUROPA PRESS)

Bilboko Itsasadarra Itsas Museoak pasa den urriaren 10ean zabaldu zuen Marrazoak erakusketa arrakastatsu bilakatu da, eta, zehazki, 20.196 lagunek bisitatu dute dagoeneko, zenbait momentutan 2005ean Titanic erakusketak izaniko bisitariak gaindituz.

Bisitari sutsuenak umeak izan direla nabarmendu dute museo bilbotarreko iturriek dira. Erakusketan marrazoen inguruko era guztietako xehetasunak aurkitzen dira, hala nola, beren fisiologia, ohiturak, bizi diren ingurunea, ugalketa, elikadura, eta gizakiarekin duten harremana.

Datorren urtarrilaren 15 arte bisitagai egongo den erakusketak, marrazo eta arraia desberdinen hamar erreplika eskaintzen ditu, sei metro baino gehiagoko luzera duen marrazo tigretik hasi eta 20 zentimetro besterik neurtzen ez dituen marrazo katuraino.

Erakusketa honetan marrazoen benetako elementuak ere aurkezten dira, besteak beste, masailezurrak, enbrioiak, letagin fosilak, eta ornoak. Erakusketa testu informatzaile, argazki, marrazki eta ikus-entzunezko desberdinez osatua dago. Azken hauek marrazo eta arraien inguruan mundu osoan eginiko dokumentalak jasotzen dituzte.

Era berean, museoko bisita, osatuz dihoan Erakusketa Iraunkorraz biribiltzen da. Bertan, besteak beste, euskal kostaldean gertaturiko itsas-hondoratzeak ezagutu daitezke, itsas-salbalmenduko eta biziraupenerako sistemak, Super Portuko azpiegitura lanak, eta lehengo eta gaurko historiaren lekuko diren merkataritza, industria eta ontzigintza.


262 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin