Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Itsas Museoak Marrazoak erakusketa inauguratu du eta 2007ko urtarrilaren 15a arte izango du zabalik


2006-10-09 13:07

BILBO, 9 (EUROPA PRESS)

Bilboko Itsasadarra Itsas Museoak Marrazoak erakusketa aurkeztu du gaur. Erakusketa honen helburua itsas munduaren ezagutza bultzatzea da, eta, batez ere, zinemagintzak eta literaturgintzak mito bihurtu duen marrazoaren espeziearena. Erakusketa gaur zabaldu da eta 2007ko urtarrilaren 15a arte egondo da ikusgai.

Marrazoak erakusketak marrazo eta arraia desberdinen tamaina naturaleko hamar erreplika eskaintzen ditu, hala nola marrazo tigrea, 6 metro baino gehiagoko luzerarekin, edo 20 zentimetro besterik neurtzen ez duen marrazo katua. Era berean, 4,5 metro luzera duen marrazo zuriaren maketa ere ikusgai dago, 5 metroko marrazo mailua, marrazo zezena eta tintoleta, azken bi hauek 3 metroko luzerarekin.

Aingeru guardako bat ere ikus daiteke, hondarretan erdi lurperratuta bizi den marrazoa eta arraien bi ordezkari, tramana eta amerikar bastanga. Hauez gain, bisitariek marrazoaren barrualdea azaltzen duen maketa bat ikusteko aukera ere izango dute, marrazoen barne organoak ezagutzeko.

Erreplika guztiak identifikazio txartelez lagunduta daude. Txartel hauetan, besteak beste, marrazo eta arraien ezaugarriak, ohiturak, ugalketa, elikadura, gizakiarekin duten harremana eta ozeanoen eta itsasoetan barrena duten antolamendua nolakoa den ezagutzeko aukera izango da.

Erakusketa honetan marrazoen benetako elementuak ere aurkezten dira, hala nola masailezurrak, enbrioiak, letagin fosilak edota ornoak. Erakusketa testu informatzaile, argazki, marrazki eta ikus-entzunezko desberdinez osatua dago. Azken hauek marrazo eta arraien inguruan mundu osoan eginiko dokumentalak jasotzen dituzte.

Esan bezala, Marrazoak erakusketa gaur zabaldu dute, eta 2007ko urtarrilaren 15a arte egongo da ikusgai izango da, asteartetik igandera bitartean, 10,00etatik 20,00etara; astelehenetan museoa itxita dago.


545 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin