Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko ile-apaindegi batean ostu duten lapurrak atxilotu ditu Ertzaintzak


2006-01-05 18:01

Beste gizonezko bat atxilotua lagun bati erasotzeagatik Bilbon

BILBO, 5 (EUROPA PRESS)

Bilboko Komisariako agenteek A.P.R. (39 urtekoa) eta G.P.R. (27 urtekoa), biak bilbotarrak, atxilotu dituzte gaur goizaldean, lapurreta delitua egotzita. Susmagarriek ile-apaindegi bateko kristala hautsi, barrura sartu eta diru kopuru txikia lapurtu dute, euskal poliziak prentsa-ohar batean azaldu duenez.

Ertzaintzak, orotara, 80 aldiz atxilotu ditu bi lagunok, batez ere, jabetzaren kontrako delituak leporatuta. Oraingo honetan, gaur goizaldean, 1,30ak aldera, Ertzaintzak jakin du Zumalakarregi kaleko ile-apaindegi batean lapurreta izan dela eta ondoko okindegi baten pertsianak ere indartuta egotearen zantzuak zeuzkala.

Lekuko batek ustezko lapurren deskribapena eman die bertaratu diren ertzainei, eta lapurren ezaugarri fisikoekin bat egiten zuten bi lagun atzeman dituzte Gurutze kalean goizaldeko 2,00ak baino lehentxeago. Agenteek G.P.R. eta A.P.R. identifikatu eta atxilotu dituzte, eta aliketa eta bihurkin handi bat atzeman dizkiete, lapurreta egiteko erabilitakoak, antza.

Atxilotuek delitu historial zabala daukate. A.P.R. 61 aldiz atxilotu du Ertzaintzak, horietarik 25 iaz, 2005. urtean izan ziren, gehienetan jabetzaren kontrako delituengatik. G.P.R., bestalde, 19 aldiz egon da atxilotuta, iaz 15 alditan.

LAGUN BATI ERASOTZEARREN ATXILOTUA

Bestalde, Bilboko Polizia-etxeko agenteek O.M.S.C. (Bilboko bizilaguna eta 33 urtekoa) atxilotu dute bart, lesio delitu bat egitea egotzita. Alde zaharreko taberna batean lagun bati eraso zion atxilotuak, oraindik zergatik ez dakitela. Borrokak kalean jarraitu zuen eta Ertzaintzak ikusi zuen.

Atzo gaueko 23,00ak jota zeudela, Bilboko alde zaharrean kalez jantzita herritarren segurtasuna zaintzen ari ziren agenteek San Frantzisko kalean borrokan ari ziren bi pertsona ikusi zituzten. Ertzainek liskarra gelditu eta anbulantzia bati deitu zioten, bi lagunen lesioak ikusita. Poliziek jasotako datuen arabera, O.M.S.C.-ek hasi zuen borroka taberna barruan, oraindik zergatik ez dakitela, eta atxilotu egin zuten.

Beste zauritua Basurtuko Ospitalera eraman zuten anbulantzian. Atxilotua (polizi aurrekari ugari ditu) beharrezko izapideak amaitu ostean jarriko dute epailearen esku.


282 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin