Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko BAD jaialdia Espainiako Antzerki eta Dantza Programazioen III. Sarietarako aukeratu dute


2006-09-25 12:49

BILBO, 25 (EUROPA PRESS)

Bilbao Antzerkia Dantza (BAD) izenaz ezagutzen den Bilboko Antzerki eta Dantza Garaikidearen Jaialdia Espainiako Antzerki eta Dantza Programazioen III. Sarietarako aukeratu dute. Aragoiko Antzerki eta Dantzaren Nazioarteko Azokak sustatutako golardo hauetan, BAD Espainiako Programaziorik Berritzaileena eta Publikoa Sortzeko Ekintzarik Eraginkorrena deritzen sarietarako izendatu dute.

Honela, BAD antolatzen duen Bilboko Udaleko Kultura eta Euskara Sailak Estatu mailako aitorpena lortu du antzerki berritzailea, abangoardiakoa eta kalitatezkoa sustatzearen alde egin duen apustu garrantzitsuarentzat. Bilbao Antzerki Dantzaren VIII. Edizioa Bizkaiko hiriburuan egingo da urriaren 27tik azaroaren 5era bitartean, antolakuntzako iturriek gogoratu dutenez.

Antzerki eta Dantza Programazioen III. Sarietan botoa eman nahi dutenek www.feriadeteatro.aragon.es webgunera sartu eta Premios izenburuko atalean dagoen galdetegia bete behar dute. Botoen zenbaketa azokaren hasierako egunera arte (urriaren 2ra arte) luzatuko da.

Aragoiko Antzerki eta Dantzaren Nazioarteko Azoka (Huesca, urriak 2-6) aurten XX. Urteurrena ospatuko duen nazioarteko jaialdi ospetsua da. Azokaren azken edizioetan, norabidea aldatu eta, dantza ez ezik, lengoaia ez konbentzionalak erabiltzen dituzten ikuskizunak ere sartzearen aldeko apustua egin dute. Jaialdi honen beste apustu garrantzitsu bat, gogoeta bultzatu (jardunaldien bitartez) eta ideia eta lan-prozeduren trukaketa sustatzea izan da.

Bilbao Antzerkia Dantza (BAD) 1998an sortu zen antolaketa publiko bezala, eta bere helburua, ikusle eta sortzaile kezkatiak, berritzaileak, hasi berriak eta kontsolidatuak, teknika eta mezuak tartekatzen dituztenak, eta eszena garaikideko lengoaia berrien aldeko apustu kontzeptual eta formala egiten dutenak elkartzeko moduko programazio eszenikoa ezartzea izan da.

Zortzi urteko ibilbidean, BADek nazioarteko ospea duten sortzaileak izan ditu partaide, hala nola, Blanca Liren antzerki konpainia, La Fura del Baus edota Teatre Lliure; baita Calixto Bieto eta Roberto Cossa bezalako dramaturgo ezagunak eta, nola ez, euskal eszenaren ordezkaritza zabal bat ere, Chusma Teatroa, Contrapunto, Antzerkiola Imajinarioa, Teatro de Batalla, Steak Tartar, Markeliñe, Nexo eta Logelaren kategoriako taldeak tarteko.

Jaialdiaren edizio bakoitzean, 30 bat ikuskizun aurkezten dira Euskal Herriko, Estatuko eta beste herrialde batzuetako konpainien eskutik, jaialdiaren nazioarteko izaera sendotuz. BADek 8.000 lagun baino gehiago erakarri zituen azken edizioan.


139 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin