Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Artelan Berreginen Museoak doako autobusak jarriko ditu asteburuan bisita gidatuetara joateko


2009-01-08 11:45

BILBO, 8 (EUROPA PRESS)

Bilboko Artelan Berreginen Museoak asteburu honetan emango ditu bukatutzat Olimpia buru eta bihotz erakusketa eta Bizkaiko Jaiotzazaleen Elkarteak antolatutakoa. Gainera, azken hilabeteotan ikusgai egon diren bi erakusketa hauetara azken aldiz joateko aukera eskainiko die museoak bilbotarrei, doako autobusak antolatu baititu bi bisita gidaturekin, bihar eta larunbatean. Bisitariak Moyua Plazatik garraiatuko dituen zerbitzu berezia izango da, museoko arduradunen arabera.

Bertaratzeko, 944 157 673 telefono zenbakian, asteartetik ostiralera eta 10:00etatik 13:00etara bitartean, izena eman besterik ez da egin behar. Autobusak Moyua Plazatik aterako dira 17:45ean (Ertzilla kaleko oinezkoen aldeko izkinatik) eta itzulera 19:15ean izango da.

Bihar arratsaldean, 18:00etan, Bizkaiko Jaiotzazaleen Elkartearen 50. urteurrena ospatzeko antolatutako erakusketara egingo da bisita. Bertan, historian zeharko ibilbidea erakusten duten 150 figura eta jaiotza-estilo ezberdinen konposizio ikusi daitezke. Oro har, tamaina handiko figurak dira. Figura eta konposizio guztien artean azpimarragarriena euskal jaiotza eta bilbotar jaiotza dira, Bizkaiko Jaiotzazaleen Elkarteak propio eta enkarguz egindakoa. Jaiotzetan ohikoak diren artzaitxoak eta garbitzaileen figurak, angulazaleen eta baseritarren figuratxoekin ordezkatzen dira hauetan.

Larunbatean, 18:00etan ere, azken bisita izango da museoko bertako diruarekin antolatutako lehenengo erakusketara. Honetan, antzinako kirol lehiaketak erakusten dira bost gai ezberdinetan banatuta dagoen espazio batean. Erakusketaren ardatza Antzinako Olinpiar Jokoak dira, eta praktikatzen zituzten diziplina ezberdinetako jokuen garapena eta parte-hartzaileen zein eraikinen ezaaugarriak ikusi daitezke bertan.

Bertaratzen direnak, Fidiasen Panateneasen prozesioa, Ilargiko gurdiaren zaldi burua edo Selenea, Polikletoren Diadumenoak, Lisiporen Apoximenoak edo Mironen Diskoboloa ikusi ditzakete, besteak beste.

Hitzordu hauetara joan ezin duenak, igandean izango du erakusketa hauek gozatzeko azken aukera, biak egongo baitira zabalik egun horretan.


212 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin