Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Arte Eder Museoa irekita egongo da bihar, Domu Santu Egunean, 10,00etatik 20,00ak arte


2006-10-31 12:02

BILBO, 31 (EUROPA PRESS)

Bilboko Arte Eder Museoak modu ezohizkoan irekiko ditu bihar bere ateak, Dumu Santu Eguna dela-eta, goizeko 10,00etatik iluntzeko 20,00etara bitartean.

Museora doazen bisitariek Urresti Bildumaren 37 lanen aukeraketa bat ikusi ahal izango dute, Regoyos, Rusiñol, Mir, Nonell, Pla, Anglada Camarasa, Echevarria, Tellaeche, Uranga, Zuloaga, Iturrino, Solana, Olasagasti, Vázquez Díaz, Baroja, Cossio, Valle, Ortega Muñoz eta Palencia bezalako artisten obrekin.

Gainera, Luis Paret eta Alcazar: Denda, 1772 obra gonbidatua ere begiztatu ahal izango dute. Madrilgo Lazaro Galdiano Fundazioaren obra hau Pareten maisulanetako bat da, eta bizitasunaz, egunerokotasuna behatzeko espirituaz eta xarma finez beterikoa da.

Bestalde, museo bilbotarra Zamacois, Fortuny, Meissonier erakusketa ere ari da eskaintzen, Eduardo Zamacois pintore bilbotarrari eskaintzen zaion lehenengo erakusketa antologikoa, hain zuzen ere.

Erakusketak ehun bat obra biltzen ditu, hala nola pinturak, akuarelak, marrazkiak eta material dokumentala. Zamacoisen obra, XIX. mendeko amaierako pintura europarraren bi artista nabarmenetakoak diren Ernest Meissonierren (Zamacoisen maisua izandakoa) eta Mariano Fortunyren pinturekin alderatzen da, artista bilbotarraren ibilbide artistikoa bere testuinguruan jartzen eta bere balio hobeto ulertzen lagunduz.

Azkenik, museoaren bilduma iraunkorraz ere gozatu ahal izango da biharko jaiegunean. Zabaltasun kronologikoa da bere ezaugarri nagusia, XII. mendetik gaur arteko obrak biltzen baititu, eta baita jasotzen duen eskolen aniztasuna ere.

Horrela, El Greco, Moro, Murillo, Zurbaran, Ribera, Goya, Paret, Gentileschi, Bellotto, Ribot, Guiard, Regoyos, Romero de Torres, Zuloaga, Arteta, Gauguin, Cassatt, Ensor, Sorolla, Solana, Tapies, Oteiza, Chillida, Kitaj eta Baconen lanak ikus daitezke.


159 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin