Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Arriaga Antzokiak La cabra o ¿quien es Silvia? antzezlana eskainiko du gaurtik larunbatera bitartean


2006-10-05 16:19

BILBO, 5 (EUROPA PRESS)

Bilboko Arriaga Antzokiak Edward Albee autorearen lanik adierazgarrienetakoa den La cabra o ¿quien es Silvia? antzezlana eskainiko du gaurtik larunbatera bitartean. Antzezlana Josep Maria Pouk zuzendurik dago, eta Merce Arenaga, Juanma Lara eta Alex Garciarekin batera aktore lana ere egiten du. Estatuan egin zen antzezlanaren erabateko estreinaldia Bartzelonako Teatro Romean izan zen. Antzoki bilbotarreko iturrien arabera, hauxe da denboraldi honetako ikuskizunik txalotuen eta probokatzaileenetakoa.

La cabra o ¿quien es Silvia? Edward Albee autorearen lan adierazgarrienetakoa da. Harrigarria eta esperimentala da, baina, batez ere, oso dibertigarria oso gai serioa jorratzen badu ere: maitasunaren jatorri ez oso argia, xalotasunaren ezinbesteko galtzea eta arriskuaren osagarri bizigarriak.

Pritzker saria jaso berri duen Martin arkitekto famatua eta bere bihotzeko emazte Stevieren aurkezpenarekin hasten da antzezlana. Elkarrizketa zorrotzak eta konplizitatea sortzen duten txisteekin dibertitzen dira. Bikote perfektua dirudi. Baina bikote perfektu hau, ia perfektua dirudien bizitza hau, goitik behera amiltzen ari da zatiz zati.

¿Quien teme a Virginia Wolf? lanaren autorea den Edward Albeek bere lanik polemikoena estreinatu zuenetik 43 urtera, hiru Pulitzer sari irabaztera eraman zuen probokaziorako gaitasuna bere horretan mantentzen duela erakusten du.

La cabra o ¿quién es Silvia? jatorrizko lana 2002ko martxoaren 10ean estreinatu zen New Yorkeko Golden Theatren. Garai horretan Bill Pullman eta Mercedes Rhuel izan ziren aktore zerrendaburuak, eta geroago Bill Irwin eta Sally Fieldek hartu zuten haien lekua.

Estreinaldiaren urte berean, Albeek, New Yorken antzezlanik onenari eman ahal zaizkion sari guztiak jaso zituen: Tony, New York Drama Critics Cercle, Drama Desk eta Outer Critics Cercle.

Harrez gero, mundu osoko 30 hiri baino gehiagotan antzeztu izan da --eta antzezten jarraitzen da--. Londresen, Almeida Theatren estreinatu zen 2003ko urtarrilaren 22an, Jonathan Pryce eta Kate Fahy aktoreak protagonista zituela.

Denboraldi honetan, Bartzelonan izandako estreinaldiarekin bat eginez, Pariseko Theatre de la Madeleinen izango da ikusgai Andre Dussolier eta Nicole Garcia aktoreen zerrendaburu izanik.


157 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin