Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Arriaga Antzokiak itsuentzat egokituriko lehenengo antzerki-saioa eskainiko du bihar: Sweeney Todd


2009-01-15 15:09

BILBO, 15 (EUROPA PRESS)

Sweeney Todd, Fleet kaleko deabru-bizargina thriller musikala lehenengo aldiz Broadwayn eszenaratu zen 1979. urtean, eta, orain, Bilboko Arriaga Antzokian antzeztuko da larunbatera bitartean. Gainera, areto bilbotarrak eta ONCEk sinaturiko lankidetza-akordioari esker, bihar ikusteko urritasuna duten pertsonek Sweeney Todd ikuskizunaz gozatu ahal izango dute AUDESEC audiodeskribapen-sistemari esker.

Mario Gas arituko da eszena zuzentzen eta Manuel Gas musika zuzentzeko lanak egiten. Ikuskizuna legenda batean oinarritzen da, eta oraindik ez dakigu historia hori egiazkoa den ala ez. Joan Crosas eta Vicky Peñak beteko dituzte Sweeney Todd eta Mrs. Lovetten rol nagusiak, hurrenez hurren. Sweeney Toddek hil eta Lovett andreak pastel txiki makabroak egingo ditu biktimen haragiarekin; horrela, deabru-bizarginari mendekua betikotzen lagunduko dio.

AUDESEC sisteman, aldi bereko itzulpena egiteko taldea dago; horrela, itsuei antzezlanean agertzen diren elementuei buruzko banako eta soinuzko informazioa eman ahal izango zaie, denbora errealean eta agertokian gertatzen den unean bertan.

Itsuentzat egokitutako saio bakoitzean ONCEk jarriko ditu gidoiak egingo dituzten langile gidoilari audiodeskribatzaileak, ikuskizunen gaineko braille-sistemako eskuzko programak eta hizlaria. Arriaga Antzokiak, berriz, aldi bereko itzulpena egiteko beharrezko taldeak jarriko ditu; gainera, ikusleei arreta egiteaz eta informazioa eskaintzeaz eta hargailuak emateaz eta jasotzeaz arduratuko da.

Halaber, egokitutako funtzio bakoitzean, beharrezko elementuak eta langile teknikoak (kabina soinugabetua, Telebistako zirkuitu itxia, eta abar) eskainiko ditu antzoki bilbotarrak, funtzioak ikusmen-urriko pertsonei egokitze aldera.

Audiodeskribapena da deskribatu nahi den obrari soinuzko informazio batzuk gehitzea, ikusmen-urriko ikusleari ekintzak, agertokiak eta ikusteko zatia jasotzen eta ulertzen lagunduko dioten beste datu batzuk azaltze aldera. Gidoilari espezializatuak deskribatu beharreko lana aztertu eta soinuzko informazioen gaineko gidoia egingo du, ondoren ekintzarekin batera esateko; modu horretan, ikusmen-urritasuna duen ikusleak argumentua jarraitu eta giroak harrapatu ahal izango ditu.

Antzerkian aplikatzeko, gidoia idatziko da, eta beharrezko informazioa sartu beharreko liburuko leku zehatzean kokatuko da. Kabina soinugabetuan, hizlariak zuzenean emango du aretoa estaltzen duen haririk gabeko ekipo baten bidez. Hori entzuteko, erabiltzaileak hargailu eramangarria eta aurikular arin bat hartuko ditu sarreran. Azken hori belarri batean jarri eta bestea libre utziko du, eszenatokiko zuzeneko soinua inongo eragozpenik gabe entzutearren.


221 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin