Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Arriaga Antzokiak 22 ikuskizunetik gora eskainiko ditu datorren seihilekoan, haurrei arreta berezia eskainiz


2006-11-27 13:26

Bederatzi antzezlan, bost ballet, haurrentzako lau opera, bi piano emanaldi, zartzuela bat eta Eszena Irekiko ekitaldi bat izango dira

BILBO, 27 (EUROPA PRESS)

Ikasle mota guztiei zuzendutako dantza eta antzerki ikuskizunak nagusi izango dituen datorren seihileko programazioa aurkeztu du gaur Bilboko Arriaga Antzokiak. Programazio honetan, zartzuela, musika klasikoaren kontzertu eta Eszena Irekia zikloko ikuskizunak ere izango dira.

Programazioan, Arriaga Antzokiak ikuslego berezia hartu nahi izan du kontuan. Horrela, maiatzean zehar, Arriagako programazioak aparteko arreta egin dio haurren antzerkiari. Fernando Bernues zuzendaria eta Hortzmuga antzerki taldearen lankidetzarekin, Lluis Paqualek zuzendurik, aurreko denboraldian hasitako produkzio ildo berean, Arriaga Antzokiak, ardatz bera daukan ikuskizun hirukoitza eskainiko die 7 eta 12 urte bitarteko haurrei.

Eskola eta familiarteko emanaldiak eskainiko dira. Arriagaren asmoa, haurrei antzerkiarekin harremanetan jarri eta bertako zirrikituak, eszenatokia edota besaulki-patioa ezagutu eta inplikatu, ideiak eman, parte hartu eta jokatzeko aukera eskaintzea da. Haurrek, parte hartu, ikasi eta antzerkia ezagutuz, emanaldi interaktiboak sortzea da asmoa. Ekintza guzti hauek euskaraz eta gazteleraz izango dira apirilaren 23tik maiatzaren 27ra bitartean.

Dantzari dagolionez, Sara Baras, Julio Bocca, Cristina Hoyos edo Lucía Lacarra bezalako izar handien mailako dantzariek osatutako kalitatezko programaz gozatzeko aukera izango dute Arriagako ikusleek. Dantza denboraldiari urtarrilaren 9an emango zaio hasiera. Urtarrilaren 13ra bitartean ikusleek gozatu ahalko duten lehen ikuskizuna, Compañía Andaluza de Danza delakoaren eskutik, Cristina Hoyosen koreografia daukan Federico Garcia Lorcaren Romancero Gitano lanean oinarriturik dago. Jose Carlos Plaza izango da ikuskizun honen zuzendaritzaz arduratuko dena.

Hungariako Szeged dantza garaikidearen taldeak eskainiko du hurrengo ikuskizuna, urtarrilaren 26an eta 27an, Arriaga Antzokian. Bi koreografia eskainiko dituzte Carmina Burana eta Dance Suite de Bela Bartok-en musikarekin.

Lucia Lacarra dantzari handia izango da Arriaga Antzokian otsailaren 16 eta 17an. Soiree de la danse Roland Petit lanarekin helduko da Lacarra Arriagara. Roland Petit koreografoaren lanetako bat da. Ohiko balletetik urruntzea da programa honen asmoa, eta Pink Floyd britainiar rock talde ospetsuaren musika duen Pink Floyd Ballet-aren hiru ekitaldirekin emango zaio hasiera.

Julio Bocca eta Ballet Argentino delakoak Adios hermano cruel ikuskizuna eskainiko dute martxoaren 20tik 24ra bitartean. Dantzari handi hau agurtzeko aukera izango dute Bilboko ikusleek, hauxe baita bere agurraren bira.

Sara Baras Balet Flamenkoak Sabores ikuskizuna eskainiko du ekainaren 5etik 10era bitartean. Flamenkoaren alde desberdinak eta sentimendu guztiak biltzen dituen Sabores ikuskizunak ez dauka argumentuzko gidoirik.

ANTZERKIA

William Shakespeare izango da antzerki denboraldia inauguratzeaz arduratuko dena. Tamzin Towsendek zuzendu eta Asier Etxeandia, Javier Godino, JosE LuIs Torrijo eta Alfonso Bergara aktoreek iterpretatuko duten Sueño de una noche de verano antzezlana izango da ikusgai urtarrilaren 17tik 19ra bitartean.

Aizpea Goenagak Ama, quiero ser lehendakari antzezlana eramango du Arriagara urtarrilaren 20tik 24ra bitartean. Asteburu batean, ama buru dela, bazkaltzeko elkartuko dira bost seme-alaba, eta hauen artean, ama baretzen saiatuko den hainbat tirabira sortuko dira.

Besteak beste, honako aktoreek hartuko dute parte ikuskizun honetan: Loli Astoreka, Maribel Salas, Patxi Perez eta Galder Perez. Azken hau zuzendari lanean estreinatuko da urtarrilaren 24an Arriaga Antzokian, haurrei euskaraz eta gazteleraz zuzendutako Txanogorritxu antzezlanarekin.

Otsailaren 1, 2 eta 3an, Compañia Nacional de Teatro Clasico delakoa izango da Arriaga Antzokian Tirso de Molinaren Don Gil de las calzas verdes lanarekin. Loperen erara egindako madrildar hiri komedia honek, mozorroa eta zalantza arma nagusitzat hartu, eta interesez osatutako ezkontza, alde egiten duen maitalea, bere ondra garbitu nahi duen emakumea, jabe askoren morroia edo itxurakeriaren mundua salbatzeko azkartasuna bezalako ohiko gaiak erabiltzen ditu.

Yasmina Rezak Artea lana aurkeztuko du otsailaren 12an eta 13an. Ramon Agirre, Joseba Apaolaza, eta Asier Hormazak egiten duten hiru lagunen inguruko istorioa da. Gaia, margo baten inguruan sortzen da, baina ikuskizunak aurrera egin ahala, taberna batean desagertuko den arte, margoaren garrantzia bigarren maila batean kokatuko da eta agerian geratuko dira eztabaidaren benetako zergatiak.

Otsailaren 24 eta 25ean, Carmen Machi, Eva Santolaria, Marisol Rolandi eta Vicente Diez zuzenduko ditu Esnesto Caballerok Auto antzezlanean. Komedia honetan, birmoldaketa poliziakoaren generoak, barrokoaren auto sakramentalen parodia eta gure gizartearen usadio eta ohituren ikuspuntu ironikoa egiten da.

Otsailaren 27 eta 28an, Nietzsche filosofoaren azken egunei buruzko Demasiado Humano (2005eko Lope de Vega Saria, Antzerki Testuak) antzezlana eskainiko da Arriaga Antzokian.

Lluis Homar eta Jose Luis Gomezekin batera, Teatro de la Abadiaren eskutik helduko da berriro Nuria Espert Arriagara, Friedrich Dürrenmatten Play Strindberg laneko pertsonaiak interpretatzera. Ikuskizun hau, martxoaren 14tik 17ra bitartean izango da ikusgai. Antzezlan honetan, ezkontzaren 25. urteurrenaren bezperan, bikote baten gorabeherak ikusiko dira hamabi ekitalditan.

John Strasbergek Cyrano de Bergerac antzezlana zuzenduko du martxoaren 28tik 31ra bitartean, besteak beste, Jose Pedro Carrion aktorearen parte-hartzearekin.

ZARTZUELA ETA KONTZERTUAK

Zartzuelako zaleek, Amadeo Vivesen hiru ekitaldiko Doña Francisquita komedia lirikoa ikusteko aukera izango dute ekainaren 22 eta 23an. Bilboko Orkestra Sinfonikoak (BOS) ere hartuko du parte zartzuela honetan.

Bestalde, urtarrilaren 20an, egungo musikan artistarik berritzaileenetakoa den Joanna Mac Gregorren piano kontzertua izango da ikusgai. Halaber, Sebastian Knauer piano-jolea eta Daniel Hope biolin-joleak martxoaren 6an eskainiko duten piano eta biolin kontzertuan, Stravinsky, Schumann, Copland eta Francken piezak eskainiko dituzte.

Operaren Lagunen Bilboko Elkartearekin (OLBE) batera, Arriaga Antzokiak ikusle gazteenei zuzendutako genero lirikoa bultzatzeko kanpaina abiatu du, eta horretarako lau opera antolaatu ditu 2007ko lehen seihilekorako: El pequeño deshollinador urtarrilean; Dulcinea otsailean; La bella durmiente martxoan; eta Soñando el carnaval de los animales ekainean.

Azkenik, Eszena Irekia zikloan, Faemino y Cansado umoristek Son dos ikuskizuna eskainiko dute. Bizitza, artegatasunarekin bizitzeko zailtasunak, mugak haustea eta beste zenbait gairi buruz hitz egiten duten ikuskizunean.


228 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin