Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko 3. Barrutiko kultur egitarauak Gabonekin bat egingo du abenduan


2006-11-29 11:18

BILBO, 29 (EUROPA PRESS)

Gabonen hurbiltasunak kolorez beteko du Bilboko Udaleko Kultura eta Euskara Sailak 3. Barrutian abendurako diseinatutako kultur egitaraua. Umeentzako zinea, misteriozko zine ziklo bat, Nagusientzako V. Antzerki Astea eta Belenen erakusketa batek osatuko dute Otxarkoaga eta Txurdinaga auzoetako urteko azken hileko agenda. Abenduaren 4tik aurrera hasiko diren jarduera guztiak, Otxarkoagako Udaltegian izango dira.

Bilboko Udaleko iturriek jakinarazi dutenez, abenduaren 18an eta 21ean emango diren misteriozko pelikulen zikloa, Gabonei begira espreski sortutako haurrentzako zine programazioarekin elkar osatuko da. Haurrentzako zinea, 26an, 27an, 28an eta 29an izango da, 11,30etatik aurrera, eta misteriozkoa, aldiz, 19,45an hasiko da.

Abenduko antzerki programazioan, abenduaren 4tik 15era bitartean ospatuko den Nagusientzako V. Antzerki Astea protagonista izango da. Aste honen edizio berriak 19,00etatik aurrera hasiko diren abesbatzen errezitaldiak (4, 5, 7 eta 9an) eta antzezpenak (11tik 15era) izango ditu.

Justo eta Pastor Deunak Belenen Elkarteak jaiotzei buruzko egitarau bat egin du hiriko sei egoitzetan. Horietako bat, Belenak eta dioramak izango dituena, Otxarkoagako Udaltegian ikusgai egongo da abenduaren 7tik urtarrilaren 11ra bitartean.

Bestalde, Bilboko Udaleko Kultura eta Euskara Sailak irrati ikastaro bat antolatu du. Noiz egingo den erabakitzeke dagoen arren, izena emateko epea abenduaren 4an bukatuko da. Informazioa Otxarkoagako Udaltegian eskuratu ahal da.


160 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin