Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilbok eta Bizkaiak beren turismo-eskaintza eramango dute Mallorcako Palmara, bertako San Sebastian jaiekin bat eginez


2009-01-19 14:08

BILBO, 19 (EUROPA PRESS)

Bilbok eta Bizkaiak beren eskaintza turistikoa sustatuko dute gaurtik aurrera Balea Uharteetako hiriburu Mallorcako Palman, bertako San Sebastian jaiekin bat etorriz. Palman burutuko den turismoaren sustapena, Bilboren eta Bizkaiaren koloreekin eta logotipoekin apaindutako Smart markako hiru ibilgailuren bitartez burutuko da.

Kustomizatutako ibilgailu horiek hiritik ibiliko dira, batez ere jaiegun horietan jende gehien biltzen den tokietatik: Plaça de la Reina, Plaça de Cort, Palau Reial con Plaça Almoina, Plaça Marqués del Palmer, Plaça del Olivar, Plaça Rei Joan Carles I, Carrer Sindicat eta Passeig Maritim-eko aparkalekua.

Ibilgailuak hiri barruan, turismoaren eta merkataritzaren aldetik estrategikoak diren guneetan aparkatuko dira, eta bertan Bilboren sustapenerako liburuxkak banatuko dituzte. Liburuxka horietan hiriaren kultur eskaintza, gastronomiaz gozatzeko aukerak eta merkataritzan eta aisian dagoen jarduera zabala bilduko dira. Merkataritza-ekintza horren barruan asteburua igarotzeko hiru bidaia zozkatuko dira, ontzi batean erantzuneko kupoia sartzen duten pertsonen artean.

Bilbok eta Bizkaiak 2009rako aurreikusita dagoen kultur jardueren egutegia aurkeztuko dute Palman. Egutegi horren barruan sartzen dira, besteak beste, apirilaren 4an Barakaldoko Bilbao Exhibition Centreko (BEC) Bizkaia Arenan AC/DC talde australiar mitikoak eskainiko duen emanaldia, Depeche Mode taldearen parte-hartzea uztailaren 9tik 11ra bitartean Kobetamendin burutuko den Bilbao BBK Live 2009 jaialdian, OLBEren opera denboraldia, Bilboko Orkestra Sinfonikoaren eta Euskadiko Orkestra Sinfonikoaren kontzertuak edota Arriaga Antzokian eta Euskalduna Jauregian aurreikusita dagoen programazioa.

Ekimen hau, eta 2008ko Aste Nagusian Bilbon burutu zena, Bilbao Turismoren eta Palmako Udaleko Turismo Institutuaren artean aurretik burututako harremanen eta bileren ondorioz sortu dira. Bilera horiek joan den maiatzean BECen burutu zen Expovacaciones azokaren barruan egin ziren, eta agerian geratu zen bi hirien artean elkarlanean aritzeko zegoen borondatea.

Bilboren eta Palmaren ustez oso garrantzitsua da eskaintza osagarria duten hirien arteko elkarlana. Horrez gain, aireko komunikabide egokien bitartez, bidaiari asko hurbildu daitezke, hegazkin bidezko lotura zuzenaren bitartez.

Egitasmo hau jarraipenerako asmoz sortzen da, eta bi erakundeetatik lanean ari gara hainbat ekintza eta urteroko jardueren egutegia bilduko dituen jarduketarako plan bat zehazteko.


271 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin