Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilbao.Gaua programak bere edizio berrian asteburuko batezbesteko 1.000 parte hartzailetik gora egitea bilatuko du


2006-02-01 14:09

Berrikuntza nagusietako bat Irakurleen Liga deiturikoa izango da eta kirol arraroak eskeiniko dira partaidetza sustatzeko

BILBO, 1 (EUROPA PRESS)

Bilboko Udalaren Hezkuntza, Gazteria eta Kirol Saileko Zinegotziak, Jon Aritz Bengoetxea, Bilboko Elkar liburu-dendan, Bilbao.Gaua programaren 2006. urterako nobedadeak aurkeztu ditu gaur goizean eta edizio berri hontan asteburuko batezbesteko 1.000 parte hartzailetik gora egitea bilatuko duela jakinarazi du.

Aurtengo berrikuntza nagusietako bat, datozen hiru hilabeterako, Irakurleen Liga deiturikoa izango da gazteen artean literatura sustatu asmoz eta era berean, kirol arraroak eskeiniko dira partaidetza sustatzeko eta ez hainbeste konpetibitatea, azaldu du Bengoetxeak.

Bilbao.Gaua ekimenak gazteen egungo errealitatearekin konektatu nahi du, aukerako aisialdi osasungarria eskainiz. Ostiral eta larunbat gauetan alternatiba bat izan dezaten bilatzen dugu, eta alternatibaren alternatiba izan nahian, eskaintza berriak sartu ditugu aurten, erran du. Programa asteburu hontan hasiko da, hiru hilabeteko ekimenak antolatu dira eta Deusto, Zorrotza, Elejabarri eta San Ignazion burutuko dira.

Bilbon 2000. urtetik antolatzen ari den ekimen honen garrantzia azpimarratu nahi izan du Bengoetxeak azpimarratu nahi izan du, izan ere, horren bidez, gazteei udal zentroak, guneak eta baliabideak eskura jartzen zaizkie, parte hartzeko eta sormena lantzeko jarduerek osatutako aukerako aisialdia eskaintzeko, asteburuko gauetan. Harrera ona duen ekimena da eta jadanik hiriko eskaintzan finkatuak gaudela uste dugu, azpimarratu du.

Aurtengo Bilbao.Gaua programaren edizioan, ikastaroen aukera zabaldu da, aurreko urteetan parte hartu duten gazteen eskaerei aurre egin ahal izateko. Jon Aritz Bengoetxeak esandakoaren arabera gazteei aisialdi eta kiroleko jarduera jakin batzuei interesatu ez ezik, diziplina desberdinetan sakondu nahi dute, espezializazio zehatzago eta jarraipen bat lortzeko.

Asteburu honetatik aurrera, 18 eta 35 urte bitarteko gazteek kultura eta kiroleko jardueren aukera zabalarekin gozatu ahal izango dute. Horien barnean, alde batetik aurreko edizioetan finkatutakoak izango dira, eta bestalde, denboraldi honetarako berriak aurkitu ahal izango dituzte. Aisialdiko jarduerak Deusto-Bidarte Udal Zentroan, Elejabarriko Gaztegunean, eta Zorrozako Udal Zentroan antolatuko dira. Kirol jarduerak, berriz, San Ignazio Udal Polikiroldegian antolatuko dira.

ASTEBURU HONETATIK AURRERA

Hurrengo hiru hilabeteetarako jardueren artean honakoak nabarmentzen dira: pilates ikastaroak, sinaduraren grafologia, interpretazioa kameraren aurrean, bideo edizioa edo ikurren hizkuntza. Horietaz gain, honako hauek ere aukeran izango dira: teklatu elektronikoa, areto dantzak, sukaldearen hastapenak, gitarra elektronikoa edo bateria.

Bestalde, programazioak gazteei hainbat jarduerekin gozatzeko aukera eskaintzen jarraituko du, besteak beste: Spin Bike, Batuka, Magic txapelketak, Balankorf, karikaturen ikastaroak, rastak eta ile-luzapenak, perkusio kubatarra eta afrikarra, malabarismoa, kutxa flamenkoa, xbox 360 txapelketa, tatooak, sukalde japoniarra, italiarra, sortzailea, afrodisiakoa eta mexikarra, scalextric, txalaparta, mahai-futbol txapelketa, erreflexoterapiaren hastapenak, djs tailerrak, mimo, eta zumea, capoeira, dantza latindarrak, xakea, arku tiroa, arte-bideoa, talisman indiarrak, musika-terapia, ping pong txapelketa, esku-lanak, ordenagailu bidezko astrologia, tarot eta mumerologia.

Jarduera horiek kirol jardueren aukera zabal batekin osatuko dira, besteak beste: Squash, tenis, frontoia, mahai tenisa, tai chi, fitness, arku tiroa, etab. ikastaroak.

Horietaz gain, jarduera bereziak ugaritu dira: lau musika kontzertu, hiru antzezlan-umore antzerkia eta hiru gau tematiko. Días de Blanco, Memo y el desguace, Radikal Blues musika dantzak eta Sos el Musical, Temple, Gündous antzezlanak Bilbo.Gaua programan, matxoaren 31 arte, eskainiko diren jardueretako batzuk izango dira.

Hiru gau tematikoak honako egunetan antolatuko dira: otsailak 17, Zorrozako Hiritar Zentroan, arteari buruzko gaua, martxoak 3, Elejabarriko Gaztegunean, mundu gotikoari eta beldurrari buruzko gaua, eta martxoak 10 eta 11, Bidarten, munduko kulturei buruzko bi gau.

IRAKURLEEN LIGA

Iazko Argazkigintza Digitaleko I. Lehiaketak izandako arrakastaren ondoren, Bilbao.Gaua programak, denboraldi honetan, Bilboko Irakurketari buruzko I. Lehiaketa garatuko du. Bilboko Udalaren Hezkuntza, Gazteria eta Kirol Saileko Zinegotziaren esanetan, Jon Aritz Bengoetxea, lehiaketa honen helburua gazteen artean irakurketarako zaletasuna sustatzea eta saritzea da. Horretarako irakurtzeko 5 liburu proposatuko dira eta horiei buruzko bost galdera egingo zaizkie. Horien erantzunak irakurritako liburuetan aurkitu beharko dituzte.

Lehiaketaren erronka galdera horien erantzunak bilatzean eta hamabost egunetan entregatzean datza. Izenburuak eta galderak Bilbao.Gaua programaren web orrian eta Lehiaketaren egoitzan aurkitu ahal izango dira, azken hura, Deustuko Udal Zentroan kokatuta (Agirre Lehendakari Etorbidea, 42). Erantzunak utziko dira lehiaketak Deustuko Udal Zentroan bertan instalatutako postontzian edo posta elektronikoz bidali ahal izango dira, honako helbidera: bilbao.agua@ayto.bilbao.net.

Lehen saria bi laguntzetako asteburuko egonaldi bat + Elkar liburu-dendetan trukatzeko 150 euroko bale bat + sari bat izango da, bigarrena, Elkar liburu-dendetan trukatzeko 100 euroko bale bat eta hirugarrena, 50 euroko bale bat.

Liga berritzaile hau guztiz laguntzen du euskarak behar beharrezkoa duelako hil ez dadin irakurle sendoak izatea, erran du Gotzon Garate euskal idazleak. Bere ustetan jendeak telebista ikustea nahiago du irakurtzeak ulertzea eskatzen baitu eta irakurtzen ez den hizkuntza heriotara kondenatua dagoela erran du.

Ikastaroen, tailerren eta kirolen eskaintzaz gain, 16 eta 35 urte bitarteko gazteak Bilbao.Gaua programaren agiriak eskaintzen dituen abantailaz baliatu ahal izango dira. Deustuko Hiritar Zentroan lortu daiteke (ostiral eta larunbatetan 22:00etatik 1:00etara) edo honako web orrian (www.bilbao.net/bilbao.gaua). Horrekin, hainbat abantaila lor daiteke, besteak beste: doaneko sarrera San Ignazio polikiroldegira, %10eko deskontua Naturlan kirol abentura dendan, %10eko deskontua Aero Link-eko hegaldi turistikoen eskaintzan, etab.

Iaz, 1000 parte-hartzaile inguru bertaratu ziren asteburu bakoitzeko jarduera desberdinetara. Haien batezbesteko adina 23 urte ziren. 2005. urtean zehar hiru jarduera nagusi garatu ziren: Pop Rock maratoia Bilborock-en, jai bat Bidarte merkatal gunean, eta jarduera berezia Zabalguneko eraikinean.


165 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin