Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-BilbaoEszenak musika-antzerkia eta umeentzako eta gazteentzako antzerkia eskainiko ditu ikasturte berrian


2006-10-03 12:46

BILBO, 3 (EUROPA PRESS)

Bilboko Udaleko Kultura eta Euskara Sailak abian jarritako BilbaoEszena antzerki-baliabideen udal zentroak ostirala arte izango du zabalik ikastaroetan izena emateko epea. Hasiberrientzako tailerrak, Hobekuntza ikastaroa, Eszena, Musika-antzerkia, Umeentzako antzerkia eta Gazteentzako antzerkia ikastaroak urriaren 16tik 20ra bitartean hasiko dira eta maiatza eta ekainera arte luzatuko dira. Zentroko aretoetan burutuko dira, bai euskaraz baita gaztelaniaz ere.

Hasiberrientzako tailerra adin guztietako jendearentzat zuzenduta dago eta ikasleari antzerkiaren oinarrizko ezagutzak irakatsi nahi dizkio modu jolasgarri eta ireki batean mugimenduan oinarrituz, gorputz-adierazpenean, antzerki koreografiatua edota ahotsean.

Ikastaro hau gaztelaniaz emango da urriaren 17tik aurrera (astearteetan, urritik ekainera, 17,30etatik 19,30etara) eta euskaraz urriaren 18tik aurrera (asteazkenetan, urritik ekainera, 19,45tik 21,45ra).

Hurrengo maila Antzerki-hobekuntza ikastaroak biltzen du, oinarrizko hiru ildotan murgiltzen dena: gorputzaren entrenamendua, ahotsaren analisia eta entrenamendu dramatikoaren sendotzea, aktoreari baliabidez eta sormenenaz hornituz. Gaztelaniaz izango da urriaren 17tik aurrera (astearteetan, urritik ekainera, 20,00tik 22,00etara).

Eszenara hurbiltzeko ikastaroak arte eszenikoen hezkuntza zikloa bukatu nahi du, ibilbide teoriko eta praktikoaren bidez antzerki muntaia eta eszena eta pertsonaiak eratuz. Urriaren 16an hasiko da eta klaseak gaztelaniaz izango dira astelehenetan, 18,30etatik 21,30etara. Gaitzerdi Antzerki taldeak emango ditu hiru ikastaro hauek (Hasiberrientzako ikastaroa, Antzerki-hobekuntza ikastaroa eta Eszena) hizkuntza bietan.

MUSIKA ANTZERKIA

BilbaoEszenak Musika Antzerkia ikastaroa ere biltzen du bere programazioan, eta interpretazioa, koreografia eta kantua bateratzen ditu taldean obra musikal bat taularatzeko ikasturte amaieran. Urriaren 20an hasiko dira bai hasiberrientzako klaseak (ostiraletan, urritik ekainera, 12,00etatik 14,00etara) baita maila aurreratuak ere (ostiraletan, urritik ekainera, 18,30etatik 21,30etara). Maitane Zalduegi koreografiako arduraduna izango da, Itziar Lazkano interpretaziokoa eta Gurutze Beitia kantuko arduraduna.

Halaber, zentroak antzerkia hurbildu nahi die txikiei Umeentzako Antzerkia ikastaroaren bidez. Joko dramatikoa, gorputza-espresioa eta erritmoan oinarritzen da planteamendu ireki eta dinamiko batean eta ikasleek, besteak beste, inprobisaketa, lan-taldea eta keinu bitartetko antzerkia landuko dituzte.

Ikastaroa bi taldetan banatzen da, bat 6 eta 8 urte bitarteko umeekin eta bestea 9 eta 11 urte bitartekoekin; urriaren 21etatik aurrera emango da gela bakar batean eta maiatzara arte, larunbatero, 10,00etatik 11,15era euskaraz.

Azkenik, Gazteentzako Antzerkia ere euskaraz izango da eta 11 eta 14 urte bitarteko gazteek hartuko dute parte. Landuko dena da antzerkiko ikasketen oinarrien azalpena modu praktiko eta dinamikoan. Klaseak urriaren 21ean hasi eta ekainera arte luzatuko dira, larunbatero 11,30etatik 13,30etara.

BilbaoEszena Antzerki Baliabideen Zentroa Bilboko Udalaren Kultura eta Euskara Sailaren udal zerbitzua da. Helburua da gizarteari baliabideak eskaintzea antzerkiaren eta dantzaren sormen-prozesuak zabaltzeko eta hobetzeko. Antzerki talde eta dantza konpainia amateurrei antolakuntza eta gune batzuk uzten dizkie, arte eszenikoen alorreko hausnarketa, prestakuntza, sormena eta produkzioa errazteko.


214 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin