Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilbao Kirolak ekimenak hiriko udal kiroldegien ingurumen-eragina murriztuko du


2006-02-13 13:22

Zorrotza kiroldegia izango da Ekoscan Araua eskuratuko duen lehenengoa

BILBO, 13 (EUROPA PRESS)

Bilboko Udaleko Hezkuntza, Gazteria eta Kirol Saileko ordezkari den Jon Aritz Bengoetxeak udal kiroldegietan sortutako ingurumeneko eraginak minimizatzeko proiektua abian jartzea erabaki du, horren helburu nagusia ingurumena kaltetu dezaketen elementu guztiak ahalik eta gehien gutxitzea izanik, uraren eta energiaren kontsumoak, hondakin arriskutsuak sortzea, bilgarria besteak beste, prentsa-ohar batean argitzen denez.

Horretarako, aholkulari adituen taldearen laguntzarekin, Zorrotzako kiroldegian esperientzia pilotua egingo du bi zatitan banatuta. Lehenengoan, kiroldegiaren ekonomia eta ingurumen alorreko diagnostikoa eta azterketa legala egingo du, bi arlo horietan hobekuntza-plana zehaztuz.

Bigarren zatiaren helburua, aldiz, aurreko jarduerak sendotzea izango da, Ekoscan izeneko Arauarekin ziurtatutako erakunde batek zentroa zertifikatuz. Proiektu horren zati hori amaitzeko epea 2006ko abendua izango da. Proiektu pilotua abian jarri ondoren, Saileko zinegotziak esperientzia hori bera beste udal instalazio batzuetara esportatu nahi du ekitaldi horretan.

Diagnostikoa egiteko lanaren dinamikak ondo zehaztuta dauden hainbat urrats finkatzen ditu; lehenengo eta behin, sortutako ingurumenaren eta legearen arloekin lotura duen eta eskuragarri dagoen informazio historiko guztia bildu beharko da. Era berean, aholkularien taldeko teknikari batek egingo du bisita instalazioetara egoera in situ egiaztatzeko.

Bi jarduera horien ondoren, zentroko Zuzendaritzak lantzeko aukera dagoen arloak ezarriko dira, eragingarritasuneko irizpideekin ingurumenerako eta Udaletxerako errentagarrienak zein diren erabaki ahal izateko.

JARDUERA BAKOITZAK ARDURADUN BAT

Ezarri beharreko hobekuntzak identifikatu ahal izateko, taldeka egindako bileren bidez lan egingo dugu, arlo horiek eragina izango duten prozesuak sakon ezagutzen dituzten lagunekin garatu beharreko jarduerak zehazten eta horiek ekonomiaren, antolaketaren eta teknikaren ikuspuntuetatik balioztatuz. Hiru ikuspuntu horietatik baliagarritzat jotako neurriak bakarrik ezarriko ditugu.



Jarduera bakoitzerako arduradun bat izendatu, hori abian jartzeko denbora-aldia eta dagokion jardueraren jarraipena egitea ahalbidetuko duten adierazleak zehaztuko dira. Legea betetzeari dagokionez, aurretik zehaztutako jardueren antzera eta aldi berean lan egingo da, instalazioek indarrean dagoen eta ezaugarri espezifikoak direla eta, aplikagarria den legeria betetzen dutela bermatuz.



Ekoscan Araua lortzeko, zehaztutako jarduerak ezarri zituztenetik denbora igaro izana beharrezkoa da eta ziurtagiriak ematen dituen erakunde baten aurrean ingurumeneko hobekuntzaren ebidentziak agertu beharko dira; horretarako, beraz, dagokion zertifikazioko auditoria pasatu beharko da.


149 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin