Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilbao 700 Fundazioak musika klasikoko Musika-Música programaren V. edizioa antolatuko du martxoan Euskaldunan


2006-02-03 17:07

Aurten Nazioen Harmonia izenburupean ospatuko da eta guztira 54 kontzertu eskeiniko dira

BILBO, 03 (EUROPA PRESS)

Bilbao 700-III Millenium Fundazioak Musika-Música programaren bosgarren edizioa antolatu du, aurten Nazioen Harmonia. Europa Barrokoa izenburupean. Bizkaiko Foru Aldundiak eta Bilboko Udalak babesten duten jaialdi hau martxoaren 3tik 5era bitartean izango da Bilboko Euskalduna Jauregian.



Ekimena gaur goizean aurkeztu da hiriburu bizkaitarrean prentsaurreko batean, hiriko alkatea den, Iñaki Azkuna, eta Bizkaiko Diputatu Nagusiaren, Jose Luis Bilbao, eskutik hiruegunez jarraian, herritarrek 54 kontzertu entzun ahalko dituztela jakian ahal izan delarik, Estatuan eta nazioartean ospe handia duten artisten eskutik etorriko diren ikuskizunak alegia.

Aurten publikoak hainbat autoreren konposizioak entzun ahal izango ditu: Johann Sebastian Bach eta George Philipp Tellemann (Alemania), Manuel Blasco de Nebra eta Antonio Soler (Espainia, François Couperin eta Jean Philippe Rameau (Frantzia), George Friedrich Haendel eta Henry Purcell (Ingalaterra), Domenico Scarlatti eta Antonio Vivaldi (Italia) edota Carlos Seixas eta Francisco Almeida (Portugal).

Bilbao 700-III Millenium Fundazioak aurten ere sarrera merkeen aldeko apustua egin du, eta 4 eta 8 euro bitartean izango dira salgai. Programa hau Nantesen aurkezten da La Folle Journée izenburupean, Lisboan A Festa da Musica izenarekin eta iaz Tokiok ere bat egin zuen musika klasikoaren hitzordu garrantzitsu honekin.

Musika-Música martxoaren 3an, ostiralean, hasiko da arratsaldeko 19,00etan, eta martxoaren 5ean, igandean, amaituko da 19,45ak inguruan. Nazioen Harmonia programak Euskalduna Jauregiko lau areto beteko ditu, eta bertan nazioarteko ospea duten artistek interpretatutako kontzertuak entzun ahal izango dira. Lau areto horiek Musika-Música programara bildutako beste horrenbeste konpositoreren izenak eramango dituzte: Haendel Auditorioa, Telemann Aretoa, Scarlatti Aretoa eta Soler Aretoa.

Orkestren eta interpreteen kalitatea ardatz nagusietako bat da, hitzordu honetan urtetik urtera erdiesten den interpretazio mailari eusteko. Asmoa musika klasikoa jendarteratu eta pedagogia egitea da, baina hitzordu kultural handi bat ere bada, izan ere, Bilbok kulturaren aldeko apustua egiten du, Bizkaiko hiriburuaren indarberritze sozioekonomikorako motor nagusietako bat bezala, eta programa hau horren ikurra da.

Bilboko Musika-Música programa, nazioarteko ekimen baten esparruan kokatzen da, eta bertan daude orobat Nantesko La Folle Journée (Frantzia), Lisboako A Festa da Música (Portugal), eta Tokio hiria (Japonia).

NAZIOEN HARMONIA

Barrokoa Europako kulturaren aro bat da, XVI. mendean hasi eta bereziki XVII. eta XVIII. mendeetan garatu zena; garai hartako bizimoduaren arlo guztietara zabaldu zen, literatura, musika, gizarte-ohitura, eta arte guztietara oro har.

Barrokoaren garaian, hain zuzen ere, XVII. mendearen erditsuan, ekin zion Europak Argien Menderanzko bideari: zientzialarien eta filosofoen Europa dugu hau, baita pintore eta musikari handiena ere. Jakintzaren Europa, eta arteen eta ideien trukearena. Pil-pilean dagoen Europa kementsua, non denek denengandik ikasten duten denen onerako.

Rameau gazte-gazte eta biziki frantses batek oso bidaia azkarra egin zuen Milanora eta harrezkero mendiaz haraindiko musikarekiko interes handia piztu zitzaion. Alemanian, Bach-ek, bertatik irten gabe, suite ingelesak eta frantsesak idatzi zituen, baita kontzertu bat ere italiar erara. Ingalaterran, Purcell-ek Frantziako eta Italiako estiloak bere egin zituen eta haatik britainiar iraun zuen berariaz, eta gero Haendel-ek, Italiako arteaz blai, oratorio ingelesa sortu zuen bertan.

Beste alde batetik, Espainiako eta Portugalgo eskolak harremanetan jarri ziren kanpoko munduarekin: Scarlatti napolitarra klabezinaren erregea zen Lisboan eta Madrilen, aldi berean Almeida portugaldarra Italiara joan zen ikasketak egitera eta bertan Vivaldik arrakastara eraman zuen concertoa.

Nazioaren ideiak bere bidea egin zuen Telemann-en idazluman, Antzinako eta gaurko nazioen obertura idatzi zuelarik, eta bai Couperin-en idazluman ere, izan ere berau dugu Nazioak izenburua daramaten trio sonaten egilea, bertan estilo frantsesa eta italiarra bateratzen dituela.


391 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin