Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bikote bat espetxeratu dute Donostian droga trafikatzearren


2006-02-27 14:46

Atxilotuek substantzia sorgorgarriak banatzen zituzten Amaran

DONOSTIA, 27 (EUROPA PRESS)

Donostiako Ertzainetxeko agenteek bikote bat atxilotu zuten joan den astean Amaran, substantzia sorgorgarriak trafikatzea egotzita. Atxilotuak beraien etxetik jartzen ziren harremanetan toxikomanoekin, eta hainbatetan, bikotearen etxean kontsumitzen zituzten substantzia sorgorgarri horiek.

Euskal Poliziaren esanetan, egoera horrek bizilagunak ohartarazi zituenez, salaketa jarri zuten Ertzaintzaren aurrean. Bikotearen atxiloketa eta droga-trafikatzaileen talde txikiaren desegitea ahalbidetu dituen ikerketa urtarrilean hasi zen, Ertzaintzak Amarako (Donostia) etxe batean toxikomanoak sarri joaten zirela jakin zuenean.



Eraikin horretako zenbait bizilagunek salatutakoaren arabera eta substantzia sorgorgarriak trafikatzen zituztela sumatzen zuenez, zaintza berezia ezarri zuen Ertzaintzak. Horri esker, L.L.V. 40 urteko gizonezkoa eta bere bikotea, A.M.P.E. (39 urte), ikertzen hasi ziren batez ere.

Agenteek egiaztatu zutenez, hainbat toxikomano etxe hartara inguratzen ziren eta, telefono bidez bikotearekin harremanetan jarri ostean, etxera sartzen ziren edo, bestela, herri-bidean egiten zuten trukea, kokaina eta heroina, batez ere. Batzuetan, bikoteak etxera sartzen uzten zien droga kontsumitzeko. Bikotearen adin txikiko seme-alabak bertan egoten ziren zenbaitetan.

Otsailaren 23an, bikotea atxilotu zuen Ertzaintzak, droga-trafiko delitua egotzita. Etxebizitzan eta atxilotuen trasteleku batean egindako miaketan, 60 gramo kokaina, 30 gramo heroina, droga zehatz pisatzeko bi balantza, 6.420 euro (ustez salmentatik lorturikoak) eta 6.35 milimetroko kalibrea duen pistola bat atzeman zituzten.

Atxilotuak Poliziaren egoitzara eraman zituzten egin beharreko ikerketak egiteko, eta, joan den larunbatean, otsailak 25, Donostiako Instrukzioko 4 zenbakiko Epaitegiaren esku utzi zituzten. Epaitegi honek biak Martuteneko kartzelan espetxeratzeko agindua eman zuen.


196 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin