Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bikote bat atxilotu dute Getxon (Bizkaia) emakumezko bati sexu erasoa egitea egotzita


2009-01-26 17:51

BILBO, 26 (EUROPA PRESS)

Ertzaintzaren agenteek senar-emazte batzuk atxilotu zituzten atzo goizean Getxon (Bizkaia), sexu eraso delitu baten ustezko egileak direlakoan. Bortxaketaren biktima eta bere senarra bikote horren etxebizitzan bizi ziren, alokatutako gela batean, eta bikote akusatuak biktimaren senarra ez zegoela aprobetxatu zuen etxebizitzako gela batean sexu erasoa egiteko.

Herrizaingo Sailaren arabera, gertaerak larunbat gauean hasi ziren, 21:00ak jota zirenean, Getxoko etxebizitza batean. Ertzaintzak jakin ahal izan duenez, ustez sexu erasoa jasan zuen biktima eta bere senarra beste bikote baten etxebizitzan bizi ziren, alokatutako gela batean. Ustezko biktimak aurkeztu duen salaketan jasotzen denez, gertakaria jazo zen unean emakumezkoa etxebizitzako gela batean zegoen, akusatutako bi pertsonekin batera.

Biktima komunera zihoanean, senar-emazte horiek heldu egin zioten eta geldiarazi zuten; emakumeak indarrez heltzen zion bitartean, gizonak sexu erasoa egin zion. Gertakarien ondorioz, biktima eta bere senarra Getxoko Guardia Zibilaren egoitzan bertaratu ziren, eta, handik Ertzaintza ohartarazi zuten gertakariaz ardura zezan.

Atzo goizean, Ertzaintzaren agenteak gertakariak jazo ziren lekuan bertaratu ziren eta senar-emazteak (34 urteko gizon bat eta 31 urteko emakumezko bat) atxilotu zuten, ustez sexu eraso delitu baten egileak izatea egotzita.


424 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin