Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bikote bat atxilotu dute Barakaldon larderia erabilita denda batean lapurtzeagatik


2006-01-13 11:55



BILBO, 13 (EUROPA PRESS)

Barakaldoko gizonezko bat eta emakumezko bat atxilotu zituzten atzo goizean Ertzaintzako agenteek iragan abenduan saltoki batean egindako lapurretan parte hartu zutelakoan. Atxilotutako gizonezkoak dendako saltzailea eta bezeroak labanaz mehatxatu zituen, eta kutxako dirua eta poltsa bat eraman zituen dendatik, euskal polizaren arabera.

Iragan abenduaren 20an jazo zen gertakaria Barakaldoko Askatasun etorbideko saltoki batean. Arratsaldeko 20,00etan, gizonezko bat denda batean sartu eta neurri handiko labana batez mehatxatu zituen bertako saltzailea eta une hartan dendan zeuden bezeroak.

Dendako kutxan bildutako dirua, mila euro inguru, eta saltzaileetako baten poltsa eraman zituen lapurrak. Lapurretaren ostean, gizonezkoak ihes egin zuen dendaren kanpoaldean zaintza lanetan zegoen emakumearekin batera.

Dendako saltzaileak salaketa jarri zuenetik, gertakarien egileak identifikatzeko ikerketa lanei ekin zioten Ertzaintzako agenteek, eta atzo arratsaldeko azken orduan atxilotu zituzten haien bizilekuan, Barakaldon. Atxilotuak, F.J.A.H. (40 urte) eta A.P.A. (38 urte), biak ere ohiko gaizkileak, atzo bertan utzi zituzten epailearen esku.


352 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin